USA: Yagizwe umwere nyuma y’imyaka 31 afunzwe, ahabwa impozamarira y’amadolari 75

Yanditswe na Tombola Felicie
Kuya 23 Ukuboza 2016 saa 01:20
Yasuwe :
0 0

Lawrence McKinney, umugabo w’imyaka 61 wafunzwe mu 1978, agirwa umwere mu 2009 aba ari na bwo akurwa muri gereza nyuma yo gusanga ntaho ahurira n’ibyaha yafungiwe.

Ikinyamakuru Le monde dukesha iyi nkuru cyanditse ko mu 1977 ubwo McKinney wo muri Leta ya Tennessee muri Leta Zunze ubumbwe za Amerika yari afite imyaka 22 y’amavuko, aribwo we n’undi muntu bashinjwe gufata ku ngufu umugore wo mu gace ka Memphis muri iyo leta.

Nyuma y’ubuhamya bwatanzwe n’uwafashwe, abo bombi bagiye gufungwa ariko umuturanyi wabibonye atanga ubuhamya buvuga ko McKinney atarimo ariko kuko atabimenye, yarafunzwe maze mu 1978 ahanishwa igihano cyo gufungwa imyaka 115.

Muri 2009 ubwo McKinney yari amaze imyaka 31,amezi 9 n’iminsi 18 afunzwe nibwo ibizamini by’utunyangingo ADN byongeye gusuzumwa basanga atari mu bakoze icyo cyaha cyo gufata ku ngufu.

Kuko yafunzwe azira ubusa, Leta ya Tennessee yafashe umwanzuro wo kumuha impozamarira y’amadorali 75. Leta yanze kugira ubundi bufasha imuha kandi ngo n’aya mbere yamupfiriye ubusa kuko imyirondoro ye yari yanditse nabi.

Nubwo hashize imyaka 7 afunguwe, ngo abayeho nabi kuko nta kindi kintu yabonye nk’ubufasha bwa leta.

Gusa umuryango utegamiye kuri Leta urengera imfungwa zirengana ari nawo wanamufashije gufungurwa ngo ugiye kongera kubikurikirana kugira ngo afashwe n’inzego za leta.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza