Vietnam: Yamaranye imyaka 18 imakasi ebyiri mu nda

Yanditswe na Tombola Felicie
Kuya 5 Mutarama 2017 saa 11:32
Yasuwe :
0 0

Umugabo w’imyaka 54 utuye hafi y’Umurwa mukuru wa Vietnam, Hanoï, yakuwe mu nda imakasi ebyiri za sentimetero 15 z’uburebure zibagiriwemo n’abaganga bamubaze mu myaka 18 ishize.

Uyu mugabo yabazwe n’abaganga mu 1998 ubwo yari yakoze impanuka y’imodoka ari nabwo bikekwa ko abaganga bibagiriwemo izo makasi, zakuwemo mu mpera za 2016 zaratoye ingese.

Inkuru dukesha urubuga Top Santé, ivuga ko uyu mugabo witwa Ma Van Nhat utuye mu Majyaruguru ya Vietnam,yagiye kwa muganga ababara mu nda maze agezeyo abaganga bamucisha mu cyuma , basanga afite mu nda imakasi ebyiri zikoreshwa mu kubaga abarwayi, aho buri imwe yari ifite sentimetero 15 z’uburebure.

Ntabubabare yumvaga muri iyo myaka yose

Ma Van Nhat yatangarije ikinyamakuru Viet-Nam express ko muri iyo myaka yose yabayeho akimara kubagwa nta bubabare yumvaga, uretse ubwo yasubiraga kwa muganga nyuma yo kumva ababara mu nda.

Nyuma yo kubona ko uwo mugabo afite imakasi mu nda, abaganga b’inzobere mu kubaga bo mu bitaro bya Gang Thep Thaï Nguyen, biherereye mu Majyaruguru y’iki gihugu, bahise bitabazwa batangira gushaka uko bazimukuramo, igikorwa cyatwaye amasaha atatu.

Ngo basanze izo makasi zaratangiye gufatana na bimwe mu bice by’umubiri ndetse zaranatoye ingese.

Ngo Trung Thang, umuyobozi w’ibitaro byabaze uyu mugabo yagize ati” Yaje yigenza, mu myaka 18 yari amaze, yararyaga ndetse akanywa nta kibazo afite uretse mu minsi ishize yatangiye kumva ababara mu nda.”

Kugeza ubu ngo uyu mugabo ari kugenda yoroherwa ku buryo bitangazwa ko nyuma y’iminsi 10 azasubira iwe mu rugo.

Minisiteri y’Ubuzima muri Vietnam yatangaje ko yatangiye gushakisha abaganga bagize uruhare mu kubaga uwo mugabo nyuma yo gukorera impanuka mu ntara ya Bac Kan.

Imakasi zasanzwe mu nda y'uwo mugabo zari zaratoye umugese

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza