Sina Gerard yasobanuye uburyo umuziki utuje utuma ingurube zororoka

Yanditswe na Mathias Hitimana
Kuya 10 Mutarama 2017 saa 05:13
Yasuwe :
0 0

Iyo uvuze Sina Gerard, uzwi cyane nka ‘Nyirangarama’, umuntu ahita yumva ibiribwa n’ibinyobwa bya “Entreprise Urwibutso” ariko burya afite n’ibindi yihariye birimo n’ubworozi bw’ingurube.

Avuga ko afite ibanga ry’ubworozi bw’ingurube, zitabwaho bikomeye, zikagahatwa umuziki utuje Nyirangarama yemeza ko utuma zororoka byihuse, zikanarya bike.

Mu kiganiro na IGIHE, Sina yivugiye ko ingurube ari itungo ryororoka cyane kandi rigatanga umusaruro iyo ryitaweho by’umwihariko, ndetse we akaba anihariye uburyo bwo kuziha umuziki.Ibyo anavuga ko nta muhanga mu by’ubworozi wabimubwiye, ariko yasanze bitanga umusaruro.

Yagzie ati “Ni ibintu navumbuye njyewe ubwanjye. Nkunda guhanga ibintu bishya naricaye ndatekereza ndavuga ngo uwagerageza ubu buryo nkareba, mbikoze mbona bitanze umusaruro.Wari uzi ko umuziki utuje utuma ingurube zororoka cyane kandi zikarya bike? Si umuziki ubonetse wose ahubwo ni umuziki utuje amasaha 24/24 ntiwawukuraho ngo zikwemerere.”

Uyu mushoramari agaruka ku kuba ingurube ari itungo ryororoka vuba, akavuga ko yatangiriye ku ngurube ebyiri, ariko ubu amaze kugira izibarirwa mu bihumbi [aterura ngo avuge umubare], yagezeho mu myaka 15.

Akomeza avuga ko uwo muziki zihabwa ufite akamaro kanini, kuko ngo unatuma zirya ibiryo neza zitabinyanyagiza.

Uretse ibyo, n’abakozi bazitaho umunsi ku munsi, bakora akazi neza, bakazigaburira, bakanazikorera isuku babyina uwo muziki.

Avuga ko ingurube yoroye zororotse neza, dore ko imwe ibwagura ibibwana bigera 10,ndetse ku isoko imwe ikagura hagati y’amafaranga ibihumbi 70 n’ijana bitewe n’ibiro ifite.

Ku mwihariko w’ubworozi bw’ingurube bwa Sina, hiyongeraho no kuba yoroza n’abaturage bo mu bice bitandukanye by’igihugu.

Sina Gerard wemeza ko ingurube zikunda umuziki

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza