Bamwe mu basore bambara imyambaro ibangamira abakunzi babo

Bamwe mu basore bambara imyambaro ibangamira abakunzi babo


Yanditswe kuya 27-12-2012 - Saa 07:50' na Emma-Marie Umurerwa

Mu gihe abantu batandukanye bavuga ko abakobwa ari bo bambara imyambaro ibangamira abahungu, bamwe mu basore nabo baratungwa agatoki ko hari ubwo bambara imyambaro ibangamira abakunzi babo iyo bagiye kubasura iwabo mu rugo.

Kwambara neza ntibisaba kwambara imyenda ihenze cyane, ahubwo bisaba kuba kwambara bitewe n’umwanya arimo, cyangwa aho agiye.

Nkuko abakobwa batandukanye babitangarije IGIHE, ngo hari umuhungu uza kugusura cyangwa mukajyana gutembera akagusebya kubera uko yaje yambaye.

Umukobwa witwa Kamaliza Diane ati” Umusore twakundanaga twapfuye imyambarire ye, na musabye ko yansura mu rugo ababyeyi bakamumenya, aza yambaye ikabutura na sandari, , muherekeje namubabajije impamvu yaje yambaye atyo, abwira ko yumvaga ntacyo bitwaye.”

Abakobwa batandukanye, bakomeje gutangaza ko hari imyambaro umusore akwiye kwambara agiye gutemberana n’umukunzi we hakaba niyo yambara agiye ku kazi, ngo hakaba niyo yakwambara agiye gutemberana na bagenzi be.

Imyambarire abakobwa batishimira iyo basuwe

Dore imwe mu myambaro abakobwa batandukanye bavuze ko ibasebya iyo abahungu, baje iwabo bayambaye : Kwambaririra ipantaro munsi y’ikibuno, Kwambara ishati bagafungura ibipesu agatuza kakagaragara, hamwe no kujya kubasura bakaza bambaye ikabutura.

Ibi ariko bamwe muri aba bakobwa bavuze ko abahungu iyo babyambaye bataje kubasura iwabo ngo ntacyo biba bitwaye.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO