Bikabyo Original amaze koroza abaturanyi be inkwavu 387 no kwishyurira 20 mitiweli

Bikabyo Original amaze koroza abaturanyi be inkwavu 387 no kwishyurira 20 mitiweli


Yanditswe kuya 28-01-2013 - Saa 10:42' na Faustin Nkurunziza

Nzayisenga Callixte uzwi ku kabyiniriro ka “Bikabyo Original” ukunda kumvikana cyane ahamagara mu biganiro ku maradiyo akorera mu Rwanda, avuga ko kuva mu mwaka ushize amaze koroza abaturanyi be inkwavu 387, no kwishyurira abaturage mitiweri bagera kuri 20.

Bikabyo Original utuye mu karere ka Karongi, Umurenge wa Rubengera yamenyekanye cyane bitewe no guhamagara kuri Radio Rwanda, atanga ibitekerezo mu biganiro mbwirwaruhame biha umurongo wa telefone abaturage bagahamagara, agakunda no kohereza ubutumwa bugufi mu gihe cy’amakuru kuri radiyo.

Bikabyo aganira na IGIHE yavuze ko yahisemo kugira ibikorwa bitandukanye bifasha kuzamura iterambere ry’igihugu aherereye ku baturanyi.

Nzayisenga Callixte uzwi kuri izina rya Bikabyo Original yasuye IGIHE ku wa 28 Mutarama 2013

Bikabyo avuga ko yoroje abaturanyi be inkwavu 387, anishyurira mitiweli abaturage batishoboye bo mu kagali ka Kibilizi 20.
Bikabyo ati “ Mbikorana umutima ukunda nta bihembo ntegereje.”

Ku munsi w’intwari uzaba ku wa 01 Gashyantare, ngo arateganya gukora igikorwa cyo kwishyurira abaturage bagera ku 10 ubwisungane mu kwivuza.

Bikabyo yavutse mu 1979, ngo ntiyigeze yiga n’amashuri abanza, ariko ngo yabashije kwiga gusoma no kwandika, abihererwa impamyabushobozi.

Mu buzima busanzwe, Bikabyo akora akazi ko gufotora . Afite umugore w’isezerano n’umwana, akagira n’undi yabyaye hanze ngo mbere y’uko aba Umukirisitu.

Nubwo Bikabyo atagize amahirwe yo kwiga, akora kuri radiyo Isangano ikorera muri Karongi, mu biganiro “Igitondo gitangaje na tubanenge”, ashakamo ibitekerezo by’ibikwiriye kuganirwaho bitagenda neza. avuga ko amaze gukoresha amafaranga agera kuri miliyoni 2 mu guhamagara kuma
radiyo.

Bikabyo Original no gushyenga cyane ati “ Imyate y’uwo ukunda uyibonamo amaribori” ashaka kuvuga ko Imana yamukuyeho igisuzuguriro ngo n’ubwo ataminuje, ngo atanga umusanzu w’ibitekerezo mu guteza imbere Igihugu kandi ngo byatumye anamenyekana.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO