Kwamamaza

Haravugwa ubutekamutwe mu bakomisiyoneri

Yanditswe kuya 19-02-2013 saa 16:48' na Thamimu Hakizimana
     


Kuba hari abakomisiyoneri baranga amazu batagira aho bakorera hazwi bituma bambura abaturage mu buryo bworoshye. Kubera ikibazo kitoroshye cy’amacumbi muri Kigali, ukeneye inzu yo kubomo kuyerekwa gusa bisigaye ari ukwishyura. Ibi bituma hari inzu imwe igoganirwaho n’abantu benshi bene kuyerekana bakuyemo ayabo bigendeye.
Abaturage bo mu murenge wa Nyakabanda n’uwa Rwezamenyo mu karere ka Nyarugenge, bamwe muri bo batangarije IGIHE ko umukomisiyoneri umwe ashobora kwereka abantu nka 20 inzu, (...)

Kuba hari abakomisiyoneri baranga amazu batagira aho bakorera hazwi bituma bambura abaturage mu buryo bworoshye. Kubera ikibazo kitoroshye cy’amacumbi muri Kigali, ukeneye inzu yo kubomo kuyerekwa gusa bisigaye ari ukwishyura. Ibi bituma hari inzu imwe igoganirwaho n’abantu benshi bene kuyerekana bakuyemo ayabo bigendeye.

Abaturage bo mu murenge wa Nyakabanda n’uwa Rwezamenyo mu karere ka Nyarugenge, bamwe muri bo batangarije IGIHE ko umukomisiyoneri umwe ashobora kwereka abantu nka 20 inzu, kandi aziko yafashwe kuko icyo aba yifuza ari amafaranga. Aho muri uwo murenge kwereka umuntu inzu amafaranga make yakwa ni 3000 yaba ayishimye cyangwa se atayishimye, hatabariwemo ayo agomba kwishyura ya Komisiyo nyuma yo kuyikodesha.

Ismail utuye mu Biryogo, yagize ati ”Njye mbaye mu inzu zikodeshwa imyaka ine gusa; iyo ndimo ubu kuyibona narishye abakomisiyoneri batanu, kuko uwa mbere n’uwa kabiri banyerekaga inzu zamaze kurihwa, bakambwira ko nta muntu uyirimo, ku buryo nahatakarije amafaranga agera ku ibihumbi 20.”

Yakomeje avuga ko yariwe amafaranga angana atyo kubera ko abo bakomisiyoneri batagira aho bakorera ku buryo umuntu yabishyuza. Avuga ko aho yabasanze mbere atongeye kubahasanga ngo aho bakoreye none atariho bakorera ejo.

Umwe mu bakomisiyoneri twaganiriye yadutangarije ko ibibazo nk’ibyo bikunze kubaho ariko bahisemo kwibumbira mu mashyirahamwe kandi bagakorera ahantu hazwi. Asaba abaturage ko abadafite aho bakorera hazwi ari abatekamutwe, baba bashaka amaramuko, batagombye gukorana na bo.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved