Gushotora umukoresha wawe kuri ‘internet’, kimwe mu bintu 10 byatuma wirukanwa

Gushotora umukoresha wawe kuri ‘internet’, kimwe mu bintu 10 byatuma wirukanwa


Yanditswe kuya 22-01-2013 - Saa 08:26' na Emma-Marie Umurerwa

Kenshi mu kazi hari ibyo umukozi akora bikamuteza ikibazo gishobora no gutuma yirukanwa, cyane cyane imwe mu myitwarire abakozi bagaragariza ababakoresha. Uramutse uri umukozi wo mu biro, urubuga references rurakwereka ibintu icumi wakorera umukoresha wawe akakwirukana ku kazi.

Niba rero ukunda akazi ukwiye kwitwararika ibyo bintu, cyangwa niba ushaka kukavaho bitewe n’impamvu zawe ukaba wabikora.

1.Kugera ku kazi wakererewe ukinjira uhekenya shikarete, ufite umugati mu ntoki cyangwa ibindi bintu bitemewe ko umukozi abyinjirana mu kazi.

2. Kujya ku kazi wambaye mu buryo budasanzwe

Uramutse uri umugore ushobora kuza wambaye ikanzu ndende cyane ikase amaboko n’udukweto two hasi. Umuhungu cyangwa umugabo we ashobora kuza yambaye umupira (t-shirt) ushaje n’ipantalo y’ikoboyi bifite impumuro mbi.

Umukoresha wawe atandukanye n’umubyeyi wawe. Iki gihe azahita agufatira icyemezo gikarishye ku buryo ashobora no guhita akwirukana ako kanya.

3. Kubaza umukoresha ibibazo birebana n’ubuzima bwe bwite

Umukoresha wawe ntazakwihanganira niwubahuka kumubaza ku buzima bwe bwite kuko azumva ko umwubahutse.

Hagomba kubaho umupaka hagati y’ubuzima bw’akazi n’ubuzima bwite bw’umukoresha wawe. Nuramuka ubimubajije azahita ahinduka mu maso, bimutere kugufatira icyemezo gikarishye.

4. Gusubiza ko ugiye kugeregeza

Nakubwira ibintu byo gukora byihutirwa ukamusubiza ko ugiye kugerageza ntazihanganira icyo gisubizo, kuko azahita yumva ko harimo agasuzuguro.

5. Gushotora umukoresha wawe kuri ‘internet’

Kuba mu nshuti ze kuri ‘facebook’ ntibiguha uburengenzira bwo kumwandikira ibyo wishakiye cyangwa kwerekana ko ibyo yanditse bigushimishije, kuko iyo ubikoze abibonamo kumumenyera.

6. Kugira akajagari mu biro

Umukoresha ntazahora akubwira gukora isuku mu biro, gutunganya impapuro, aho waririye n’ibindi. igihe azabona utibwiriza kuhatunganya azagufatira ibyemezo.

7. Gushyanuke ku mukoresha

Nubona umukoresha wawe aje ku kazi yambaye umwenda mushya uzirinde kumubwira ngo yambaye neza, cyangwa ngo nubona aje yambaye urukweto rushya wihutire kubimubwira n’ubwo ari byiza. Ibi nubikora azahita akubonamo inshyanutsi bitumen agufatira ibyemezo.

8. Gutwara ibikoresho byo ku kazi

Nushaka kurakaza umukoresha wawe uzatahane impapuro, ‘aggrafeuse’, ikaramu cyangwa ibindi bikoresho by’akazi akureba. Ibi bizatuma icyizere yari agufitiye kiyoyoka.

9. Naguhamagara uzange kumwitaba

Naguhamagara kuri telefoni ukanga kwitaba, yakwandikira kuri email ukanga kumusubiza, azahita abona ko uri umunyagasuzuguro warambiwe akazi.

10.Guca umukoresha mu ijambo

Mu gihe muzaba muri mu nama umukoresha ari we uri kuvuga, uzihe ijambo atariguhaye. Ibi na byo abakoresha benshi barabyanga bakaba banahita babifatiraho icyemezo gikomeye.

Ibi ni bimwe mu byo umukozi ashobora gukora mu maso y’umukoresha bikamutera ibibazo birimo no gusezererwa ku kazi nk’uko urubuga refferences rubigaragaza. Niba hari icyo ubona uru rubuga rutanditse kandi ari ingenzi, wabitangaho igitekerezo n’abandi basomyi bakakimenya.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO