Ibyishimo bituma umuntu aba umukungu

Yanditswe na Nsabimana Emile
Kuya 23 Ugushyingo 2012 saa 12:03
Yasuwe :
0 0

Amafaranga ntiyagura ibyishimo, nyamara ngo ibyishimo bishobora kugira uruhare mu kuzamuka k’ubukungu bw’umuntu.
Ubushakashatsi bwakozwe n’impuguke zo muri University College London, bwerekanye ko urubyiruko ruhorana ibyishimo bisesuye kandi rukanyurwa n’imibereho rufite rugira amahirwe y’uko ubukungu bwabo bugenda buzamuka mu buzima.
Amakuru dukesha BBC avuga ko abakoze ubu bushakashatsi bagaragaje ko ku myaka 22 y’amavuko abarangwaga n’ibyishimo barushaga abarangwa n’umujinya amadolari 2000 ku (...)

Amafaranga ntiyagura ibyishimo, nyamara ngo ibyishimo bishobora kugira uruhare mu kuzamuka k’ubukungu bw’umuntu.

Ubushakashatsi bwakozwe n’impuguke zo muri University College London, bwerekanye ko urubyiruko ruhorana ibyishimo bisesuye kandi rukanyurwa n’imibereho rufite rugira amahirwe y’uko ubukungu bwabo bugenda buzamuka mu buzima.

Amakuru dukesha BBC avuga ko abakoze ubu bushakashatsi bagaragaje ko ku myaka 22 y’amavuko abarangwaga n’ibyishimo barushaga abarangwa n’umujinya amadolari 2000 ku mushahara wa buri mwaka, naho ku myaka 29 iki kinyuranyo cyari kigeze ku madolari 8000.

N’ubwo nta mpamvu zigaragara zibitera, abashakashatsi berekanye ko urubyiruko rwishimye ari rwo rushobora kubona impamyabumenyi, akazi no kuzamurwa mu ntera ugereranyije na bagenzi babo bakunda bahora bijimye mu maso. Nanone ngo iyo ubagereranyije mu bijyanye n’ubukungu usanga abarangwa n’ibyishimo ari bo bari ku isonga.

Nyuma yo gukorera ubushakashatsi ku rubyiruko 10 000 rw’Abanyamerika bafite imyaka 16, 18 na 22, bagereranije umusaruro wabo wa buri mwaka kugeza bageze ku myaka 29. Aba bashakashatsi berekana ko kugerageza kubaho mu buzima bwuje ibyishimo atari ingirakamaro kubera ko ari intego rusange ku bantu bose gusa, ahubwo bifitiye akamaro umuntu ku giti cye n’umuryango w’abantu mu by’ubukungu muri rusange.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza