Imirimo yo mu rugo ituma abagabo bagira ubushake buke bw’imibonano mpuzabitsina

Imirimo yo mu rugo ituma abagabo bagira ubushake buke bw’imibonano mpuzabitsina


Yanditswe kuya 30-01-2013 - Saa 18:01' na Patrick Munyentwari

Ubushakashatsi muri Espagne, bugaragaza ko abagabo bakora imirimo yo mu rugo nko guteka bagira ubushake buke bwo gukora imibonano mpuzabitsina.

Kimwe mu bibangamira ibyishimo by’abashakanye, ni imirimo abagabo bakora ubundi isa n’iyagenewe abagore ikunze kwitwa iyo mu rugo bigatuma ahanini umugabo atagira ubushake buhagije bwo kuryamana n’uwo bashakanye.

Ubushakashatsi bwashyizwe ahagaragara na Sabino Kornrich wo mu kigo cya Juan March cy’i Madrid muri Espagne bugaragaza ko imirimo ikorwa ahanini n’abagore iyo ikozwe n’abagabo bigira ingaruka mbi. Mu gihe umugore akeneye imibonano mpuzabitsina umugabo ntabishake kubera guhugishwa n’imirimo nk’iyi, bitera ibibazo mu mibanire.

Uyu mushakashatsi avuga ko imirimo yo mu rugo nko kugira ibyo yishyura (ahaha), gusukura ubusitani, kwita ku kinyabiziga, guteka n’ibindi bibangamira abashakanye; kuko ibyishimo bituruka ku kuryamana bitaharangwa cyane.

Umwanzuro watanzwe kuri ubu bushakashatsi nyuma kubukorera ku bagabo bagera ku bihumbi birindwi na babiri ni uko bose badakora imibonano mpuzabitsina uko bikenewe n’abafasha babo kubera imirimo yo mu rugo, ibi bikaba byaratumye bafata icyemezo cyo kureka iyi mirimo yo mu rugo kugira ngo bashimishe abo bashakanye uko bikwiye kuko byatezaga amakimbirane kenshi no kutanyurwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO