Kwamamaza Tigo_ P2P

Impfu ziterwa n’imirire mibi zasimbuwe n’iz’amafunguro arenze urugero

Yanditswe kuya 24-12-2012 saa 07:30' na Umurerwa Emma-Marie
     


Ubushashatsi bwakozwe n’umuryango witwa The Global Burden of Diseases, bukozwe n’abashakashatsi bagera kuri 500 mu bihugu 50 ku migabane yose y’isi, bwagaragaje ko impfu ziterwa n’imirire mibi ku isi zagabanutse zigasimburwa n’iziterwa no kurya cyane.
Nk’uko abakoze ubushashatsi babigaragaje, mu myaka y’i 1990, umubare w’abantu bapfaga bazize imirire mibi wari munini cyane; mu gihe kuri ubu, uhereye mu bihugu byo mu burengerazuba bw’isi(ibihugu byateye imbere), hari ikibazo kiri guterwa no kurya (...)

Ubushashatsi bwakozwe n’umuryango witwa The Global Burden of Diseases, bukozwe n’abashakashatsi bagera kuri 500 mu bihugu 50 ku migabane yose y’isi, bwagaragaje ko impfu ziterwa n’imirire mibi ku isi zagabanutse zigasimburwa n’iziterwa no kurya cyane.

Nk’uko abakoze ubushashatsi babigaragaje, mu myaka y’i 1990, umubare w’abantu bapfaga bazize imirire mibi wari munini cyane; mu gihe kuri ubu, uhereye mu bihugu byo mu burengerazuba bw’isi(ibihugu byateye imbere), hari ikibazo kiri guterwa no kurya cyane.

Ingaruka zirimo umubyibuho ukabije, indwara z’umutima, diyabete n’ibindi, bitera 1/4 cy’impfu zose zo ku isi.

Iyi raporo ikomeza ivuga ko ugereranyije, urugero fatizo rw’igipimo cy’ibiro ku bunini bw’umubiri wa muntu (Indice de masse corporel) rwazamutse rukava kuri 6 ku isi yose rukagera ku 10.

Si mu bihugu byateye imbere gusa kuko no mu Burasirazuba bwo hagati, muri Afurika na Aziya, icyo kibazo kirahagaragara.

Iyi raporo igaragaza ko n’ubwo hariho izo mpungenge, hari ikintu cyo kwishimira. Impfu z’abana bari munsi y’imyaka itanu zaterwaga n’imirire mibi, diyare cyangwa indwara zituruka ku mwanda zagabanutse ku rugero rwa 60%, ugereranyije n’imyaka y’ahagana 1990.

Ikibazo cy’impfu z’abana gisigaye muri Afurika na Aziya yo hepfo gusa, cyane cyane bitewe na malariya cyangwa agakoko gatera SIDA.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved