Kwamamaza

Indege zatangiye kwishyuza hakurikijwe ibiro by’umuntu

Yanditswe kuya 4-04-2013 saa 15:19' na Marie Monique Dushime
     


Ubwo hari hamenyerewe ko abagenzi bose bishyura bitewe n’agaciro k’umwanya ashaka mu ndege, bagatandukanira ku mizigo, kompanyi y’indege ya Samao Air yazanye agashya ko kukjya yishyuza amafaranga y’urugendo hanakurikijwe ibiro by’umugenzi we ubwe apima.
Nk’uko tubikesha urubuga 7sur7, kompanyi y’indege ya Samao Air ikorera mu birwa bya Samao biri mu nyanja ya Pasifika, yatangarije abakiriya bayo ko mbere yo kumenya igiciro cy’urugendo bagomba kubanza kumenyekanisha ibiro byabo, bikaba aribyo (...)

Ubwo hari hamenyerewe ko abagenzi bose bishyura bitewe n’agaciro k’umwanya ashaka mu ndege, bagatandukanira ku mizigo, kompanyi y’indege ya Samao Air yazanye agashya ko kukjya yishyuza amafaranga y’urugendo hanakurikijwe ibiro by’umugenzi we ubwe apima.

Nk’uko tubikesha urubuga 7sur7, kompanyi y’indege ya Samao Air ikorera mu birwa bya Samao biri mu nyanja ya Pasifika, yatangarije abakiriya bayo ko mbere yo kumenya igiciro cy’urugendo bagomba kubanza kumenyekanisha ibiro byabo, bikaba aribyo bishingirwaho bishyura. Buri mugenzi nazajya agera ku kibuga cy’indege azajya abanza gupimwa.

Chris Langton, umuyobozi wa Samao Air avuga kuri ubwo buryo bushya bwo kwishyuza hashingiwe ku biro by’umugenzi yagize ati “Amakompanyi y’indege yishyuza akurikije umwanya umuntu yicaramo nyamara igikwiye kubarwa ari ibiro uwo muntu aba yicaje muri uwo mwanya.”

Abatuye muri ibi birwa ntibinubira iki gitekerezo cyatangajwe muri Mutarama, ubu kikaba cyaratangiye gushyirwa mu bikorwa, kuko bazabigiriramo inyungu aho abana babo bazajya bishyuzwa make.

Iyi kompanyi yavutse umwaka ushize, ikora ingendo z’imbere mu birwa bya Samao bibarurwa mu bihugu 10 bya mbere bifite abantu bafite uburwayi bw’umubyibuho ukabije (Obésité) ku isi no mu birwa bya Pacifika.

Kompanyi y’indege ya Samao Air, niyo ibaye iya mbere ku isi izanye ibyo kwishyuza hashingiwe ku biro by’umuntu.

Abafite ibiro byinshi muri Samoa Air baragatowe
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved