Ku myaka 8 y’ amavuko anywa amapaki abiri y’ itabi ku munsi

Ku myaka 8 y’ amavuko anywa amapaki abiri y’ itabi ku munsi


Yanditswe kuya 24-03-2012 - Saa 10:31'

Kuba Umunya- Indonesiya w’ imyaka umunani y’amavuko anywa amapaki abiri y’itabi ku munsi ni ikibazo gikwiye kwigwaho dore ko iki kibazo cyo kunwa itabi cyibasiye bikomeye igihugu cya Indonesiya kandi ari igihugu cya kane gituwe n’abantu benshi ku Isi.

Ilham, umwana w’umuhungu ukomoka ku kirwa cya Java yatangiye kunywa itabi ku myaka ine y’amavuko, guhera ubwo yakomeje kunywa itabi ryinshi none ubu agejeje ku mapaki abiri ku munsi nkuko se w’umumotari yabitangarije ikinyamakuru Antara cyo muri Indonesiya.

Se yakomeje avuga ko umwana we yanze kujya ku ishuri ko amara umunsi wose akina ananywa itabi kandi ko ajya arakara cyane kugeza n’aha amena ibikoresho byo mu rugo iyo se yanze kumuha itabi cyangwa se amafaranga yo kurigura.

Kunywa itabi muri iki gihugu bimaze kuba ikibazo gikomeye kuko mu mubare w’abanyagihugu ugera kuri miliyoni 240, abanywi b’ itabi bikubye inshuro esheshatu mu myaka mirongo ine ishize nk’uko ubu bushakashatswi butangazwa na Umuryango mpuzamanga wita ku buzima (OMS) bubigaragaza . Kugeza ubu abaturage bagera kuri miliyoni 65 nibo banywi b’ itabi.

Ipaki y’ itabi muri Andonesiya igura idolari rimwe mu gihe buri munyagihugu abeshwaho n’ amadolari abiri ku munsi ariko ntibibabuza kuyigurandetse no kurinywa. Ibi bikomeza kuba ikibazo gikomeye cyane kuko ibitaro bihora bibona abarwayi bafite indwara nyinshi zitandukanye harimo abigituntu ndetse n’abandi barwaye cancer kubera umwotsi w’ itabi.

Ilham arimo kunywa itabi
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO