London: Umunsi wo kugenda nta pantaro ntiwitabiriwe nk’uko bisanzwe

Yanditswe na Nsabimana Emile
Kuya 15 Mutarama 2013 saa 07:43
Yasuwe :
0 0

Ku cyumweru tariki ya 14 Mutarama 2013, mu Mujyi wa London mu Bwongereza habaye umunsi bita “No pants subway ride day” ugenekereje bivuga "Umunsi wo kugenda nta pantaro"; icyakora ntiwitabiriwe nk’uko byagiye bigenda mu myaka ishize.
Kuri uyu munsi abagenzi babishaka baba bemerewe kugenda muri gariyamoshi zo munsi y’ubutaka bambaye amakariso gusa, mu rwego rwo kwishimisha no kuruhuka mu mutwe nk’uko abawutegura babitangaza.
Iki gikorwa icyakora nticyitabiriwe nk’uko byari byagenze umwaka (...)

Ku cyumweru tariki ya 14 Mutarama 2013, mu Mujyi wa London mu Bwongereza habaye umunsi bita “No pants subway ride day” ugenekereje bivuga "Umunsi wo kugenda nta pantaro"; icyakora ntiwitabiriwe nk’uko byagiye bigenda mu myaka ishize.

Kuri uyu munsi abagenzi babishaka baba bemerewe kugenda muri gariyamoshi zo munsi y’ubutaka bambaye amakariso gusa, mu rwego rwo kwishimisha no kuruhuka mu mutwe nk’uko abawutegura babitangaza.

Nta muntu uba yitaye kuri mugenzi we yaba uwambaye n'utambaye

Iki gikorwa icyakora nticyitabiriwe nk’uko byari byagenze umwaka ushize, bitewe ahanini n’ubukonje bwari mu Mujyi wa London aho bwari ku gipimo cyadogere imwe (1o).

Ibi byatumye benshi mu basanzwe bitabira uyu munsi batabijyamo cyane.

Kugeza ubu ikigo gishinzwe gutwara abantu i London “TFL” ntikiratangaza niba hari ingamba zizafatwa umwaka utaha ku bijyanye n’iki gikorwa, kuko hari ababyeyi bagaragaje ko batabyishimira kugendana n’abantu bambaye ubusa muri gariyamoshi.

Aba bubahirije ibisabwa ku munsi wahariwe kutambara ipantaro bategereje kwinjira muri gari ya moshi

“No pants subway ride day” ni igikorwa cyatangijwe n’itsinda ry’abasore barindwi muri Leta Zunze Ubumwe za Amerika ryitwa “Improv Everywhere” mu mwaka wa 2002, iki gihe bakaba barihaye intego yo kujya muri gariyamoshi nta pantaro bambaye.

Ni igikorwa cyakomeje gukwira henshi ku isi, kuko ubu muri 2013 kiba mu mijyi 50 itandukanye hirya no hino ku isi, kikitabirwa n’abatari bake.

Akenshi usanga abitabiriye uyu munsi baba bari gusoma ibitabo, ibinyamakuru cyangwa se barangamiye kuri telefone zabo
Ku munsi wahariwe kutambara ipantaro hagaragarira imideri itandukanye y'amakariso

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza