Mu gihe biteguraga kumushyingura yabasabye amazi

Yanditswe na Olivier Muhirwa
Kuya 7 Kamena 2012 saa 11:58
Yasuwe :
0 0

Umwana witwa Kelvin Santos, wo mu gihugu cya Brésl mu gihe bari bamaze kumushyira mu isanduko bagiye ku mushyingura, batarayifunga yarahagurutse abasaba amazi.
Amakuru dukesha urubuga rwa 7sur7, aratangaza ko Kelvin Santos, w’ imyaka ibiri y’amavuko, yari amaze iminsi mu bitaro arwaye indwara y’ubuhumekero, akaba yari arwariye mu bitaro byahitwa Belem mu majyaruguru ya Brésil.
Batangaje ko yapfuye ku wa gatanu ushize mu masaha ya saa moya na mirongo ine, umubiri we uhita uhabwa ababyeyi be (...)

Umwana witwa Kelvin Santos, wo mu gihugu cya Brésl mu gihe bari bamaze kumushyira mu isanduko bagiye ku mushyingura, batarayifunga yarahagurutse abasaba amazi.

Amakuru dukesha urubuga rwa 7sur7, aratangaza ko Kelvin Santos, w’ imyaka ibiri y’amavuko, yari amaze iminsi mu bitaro arwaye indwara y’ubuhumekero, akaba yari arwariye mu bitaro byahitwa Belem mu majyaruguru ya Brésil.

Batangaje ko yapfuye ku wa gatanu ushize mu masaha ya saa moya na mirongo ine, umubiri we uhita uhabwa ababyeyi be kugirango bategure umuhango wo kumushyingura.

Ababyeyi be bamaze kumushyira mu isanduku ngo bajye kumushyingura batarayifunga neza, umwana yarakangutse yicara mw’isanduku asaba Se amazi yo kunwa, n’kuko bitangazwa n’umwe mu bari baje gushyingura uwo mwana.

Abantu baraho bose bahise batangira gusakuza, bavuga ko batari bazi ko umwana ari muzima, batangira gushima Imana ibakoreye ibitangaza umwana wabo akaba azutse.

Umunezero wabo ntiwamaze umwanya kuko mu gihe barimo gusakuza ibyishimo byabarenze, umwana yahise yongera arahwera.

Se yahise yihutira kumusubiza kwa muganga, abaganga bagerageza kumukorera ubufasha bushoboka, ariko umwana yari yarangije gupfa.

Kugeza uyu munsi abantu bose babonye ibyabaye baracyari mu rujijo. Ababyeyi ba Kelvin, bagerageje gutinza umunsi wo kumushyingura ngo barebe ko yakongera akazuka, ariko biba ibyubusa bagezaho baramushyingura.

Se wa Kelvin yatangaje ko umwana we yazize uburangare bw’abaganga, kuko we yemeza ko bashobora kuba bataramwitayeho bihagije, ngo kuko umuntu wapfuye adakanguka kandi atavuga ngo asabe icyo kunwa, akaba yemeza ko umwana we yazize uburangare bw’abaganga akaba yiteguye kwitabaza inkiko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza