Ndahiro David wigana  Perezida Paul  Kagame  agiye kurushinga n’Umunyamerika

Ndahiro David wigana Perezida Paul Kagame agiye kurushinga n’Umunyamerika


Yanditswe kuya 1er-03-2013 - Saa 14:51' na Mupende Gideon

Umunyarwenya Ndahiro David uzwiho cyane kwigana ijwi rya Perezida Paul Kagame, ku wa kane tariki ya 28 Gashyantare 2013 ni bwo yizihizaga umunsi w’ibyishimo by’uko asoje amashuri makuru mu cyiciro cya kabiri, mu bijyanye n’amategeko akaba anitegura kurushinga n’Umunyamerika Lael S. Honey.

Ndahiro David yashimwe na benshi bo mu muryango we ku bwo kwihangana no kwita kuri barumuna be bimuranga ndetse no kwiha agaciro biba muri we. Mu mezi ashize yerekanye inshuti ye Lael S. Honey ubarizwa muri Leta Zunze Ubumwe za Amerika, ariko ntiyabonetse mu birori byo kwishimira impamyabushobozi ye. We n’umukunzi we biteguye kurushinga mu mpera z’uyu mwaka, ubukwe bwabo bukaba buzabera muri Leta ya Pennsylvania.

David na bene se ni imfubyi, ntibagira ababyeyi bombi. Se ubabyara yitabye Imana David atarageza umwaka w’amavuko. Bakomeje kubaho mu buzima bugoye ukongeraho n’ibibazo by’ubuhunzi. Akimara kurangiza amashuri yisumbuye yahise ajya mu gisirikare cy’u Rwanda ngo arebe ko imibereho mibi yahinduka. N’ubwo yakuze yanga ishuri bitewe n’ibyo bibazo byose, arangije Kaminuza kandi afite gahunda yo gukomeza amashuri ye akiga n’icyiciro cya gatatu (Master’s).

Ibirori bye byitabiriwe na Korali Ambassadors of Christ iririmbamo abavandimwe be ari bo Sanyu, John na Manzi ; hari kandi na Apotre Speciose, nyirasenge wa David.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO