‘Nyirasafari’ niryo zina ryahawe inka yavukiye mu ndege ije mu Rwanda

‘Nyirasafari’ niryo zina ryahawe inka yavukiye mu ndege ije mu Rwanda


Yanditswe kuya 10-02-2013 - Saa 06:06' na IGIHE

Ubwo inka zigera kuri 72 zavaga mu gihugu cya Irlande zije mu Rwanda, imwe uri zo yabyariye ku rugendo bituma inyana yabyaye ihabwa izina rya ‘Nyirasafari’ ubwo yari igeze ku Kibuga cy’indege Mpuzamahanga cy’i Kigali i Kanombe.

Izi nka zije korozwa abaturage bo mu Karere ka Rusizi, zageze mu Rwanda kuwa Gatanu tariki ya 8 Gashyantare 2012, ziturutse mu gihugu cya Irlande.

Zose uko ari izo mu bwoko bwa "frisonne" zatanzwe n’ishyirahamwe ry’aborozi bo mu gihugu cya Irlande, zije gutera inkunga gahunda ya Gira Inka. Si mu Rwanda gusa kandi iri shyirahamwe ryoroje abaturage, koko risanzwe ryoroza abandi bo mu bihugu bitandukanye amatungo mato n’amaremare, ariko u Rwanda rwahisemo inka kuko hari hasanzwe gahunda yo guha inka buri muryango ukennye.

Dr Mbonigaba Jean Jacque Umuyobozi w’Ikigo cy’Igihugu gishizwe guteza imbere ubuhinzi n’ubworozi, yatangarije Radio Rwanda dukesha iyi nkuru nyuma yo guhabwa ibyibanze, uwahawe inka afite inshingano zo gukurikiraha inka yahawe dore ko baba baranabyigishijwe mbere yo kuzihabwa bakaba basabwa kubahiriza amabwiriza areba gahunda ya Gira Inka yo koroza abandi inka ivutse mbere.

Izi nka zizahabwa abaturage bo mu mirenge ya Nyakarenzo, na Giheke, mu Karere ka Ruzizi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO