U Bufaransa: Bahitamo gufotora imbwa zabo aho gufotora abo bashakanye

U Bufaransa: Bahitamo gufotora imbwa zabo aho gufotora abo bashakanye


Yanditswe kuya 14-01-2013 - Saa 15:49' na Umurerwa Emma-Marie

Abaturage bo mu iihugu cy’u Bufaransa, kubera gukunda imbwa cyane bazifotora kurusha uko bafotora abo abagabo cyangwa abagore babo.

Amakuru atangazwa n’urubuga Terrafemina, avuga ko ubushashatsi bwashyizwe ahagaragara na sosiyete Nikon ikora ibikoresho byo gufotora bwagaragaje ko Abafaransa benshi bafata umwanya munini bafotora imbwa zabo aho gufotora abo bashakanye.

Hari abaha agaciro gakomeye imbwa umwanya

Sosiyete Nikon yo mu Buyapani itangaza ko ubushashatsi bwakorewe ku miryango 100 bwagaragaje ko 77% by’ababukoreweho bakunda gufotora injangwe n’imbwa zabo kurusha uko bafotora abantu, n’ubwo baba bafite abantu ba hafi baba bashoraga gufotora harimo nk’abo bashakanye.

Gusomana n'imbwa ni byo baha agaciro

Ubundi bushakashatsi bwakorewe mu bihugu bitandukanye byo ku mugabane w’u Burayi bya Italie, Allemagne, Autriche, Belgique, Pays-Bas, Pologne, République Tchèque, Roumanie, Royaume-Uni, Serbie na Slovaquie, bwagaragaje ko abaturage bo muri ibyo bihugu bakunda gushyira ku mbuga mpuzabantu amafoto y’ibisimba.

Hari abifotozanya n'imbwa nyamara batabikorana n'abo bashakanye

42% bashyira ayo mafoto muri telefoni hamwe no muri za mudasobwa, 26% bayashyira ku mbuga mpuzabantu, mu gihe 14% bayamanika ku nkuta aho bakorera.

Ubu bushakashatsi bwagaragaje ko 20% bavuze ko bahitamo kumarana umwanya nunini n’imbwa/ injangwe aho kuwumarana na babyeyi, abavandimwe, cyangwa abo bashakanye.

49% baganira n’imbwa kurusha uko baganira n’abantu.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO