Ubufaransa : Abadepite basomaniye mu ruhame mu gushyigikira ababana bahuje ibitsina

Ubufaransa : Abadepite basomaniye mu ruhame mu gushyigikira ababana bahuje ibitsina


Yanditswe kuya 28-01-2013 - Saa 15:54' na Deus Ntakirutimana

Abadepite babiri bo mu ishyaka rya Gisosiyalisite mu gihugu cy’u Bufaransa basomaniye mu ruhame mu rugendo rwo gushyigikira ababana bahuje ibitsina rwabaye muri icyo gihugu ku cyumweru tariki ya 27 Mutarama 2013.

Le Parisien dukesha iyi nkuru itangaza ko Yann Galut na Nicolas Bays basomaniye mu ruhame ubwo bari bambaye umwitero ugizwe n’amabara atatu agize ibendera ry’u Bufaransa. Nk’uko babyitangarije ngo iki gikorwa bakoze cyitwa icyo kwifatanya n’ababana bahuje ibitsina.

N’ubwo ariko bakoze icyo gikorwa bo ntibabana bahuje ibitsina kuko buri wese afite umugore ndetse n’abana nk’uko byatangajwe na Yann Galut umwe muri aba badepite. Gusa ahubwo bo nk’abadepite bagiye gutangiza ikimeze nk’intambara y’iminsi ibiri mu by’amategeko, yo gushyigikira ababana bahuje ibitsina, aho bavuga ko bazagaragaza ko bashyigikiye ibyifuzo byabo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO