Ubunini bw’amabuno ye butuma yishyura imyanya ya babiri ari umwe

Ubunini bw’amabuno ye butuma yishyura imyanya ya babiri ari umwe


Yanditswe kuya 21-01-2013 - Saa 14:54' na Emma-Marie Umurerwa

Curvy Mikel Ruffinelli, ni umugore ufite ikibuno kinini ku isi ku buryo yishyura imyanya y’abantu babiri iyo agiye mu ndege cyangwa mu modoka zitwara abagenzi ; ariko ngo uko angana biramunyuze.

Ikinyamakuru the sun dukesha iyi nkuru kivuga ko Ruffinelli w’imyaka 39 akomoka muri Leta Zunze Ubumwe za Amerika mu mujyi wa Los Angeles, akaba afite umugabo n’abana batatu b’abakobwa.

Kubera ubunini bw’ikibuno cye ngo iyo agiye mu ndege bamwishyuza imyanya y’abantu babiri, kubera ko atakwirwa ku mwanya w’umuntu umwe. Mu modoka zitwara abagenzi na ho ngo ni uko.

Uyu mugore iyo agiye ahantu hahurira abantu benshi yinjirira mu muryango wihariye, kuko atabasha kubisikana n’abandi bantu mu muryango rusange.

N’ubwo hari ibibazo ajya aterwa n’ubunini bwe, aherutse gutangaza ko adateganya kugabanya ibilo bye kuko ngo yishimiye imiterere ye.

Ati ”Iyo ndimo kugenda n’amaguru abantu barantangarira cyane bavuga ngo dore ibinure, abandi bakavuga ko nagiye kongeresha ikibuno ariko ntabyo nakoze. Ni umubiri wanjye, mbikomora mu muryango mvukamo.”

Mu rwego rwo kugabanya amafaranga yishyura imodoka zitwara abagenzi, Ruffinelli yahisemo kugura ikamyo akaba ari yo akoresha mu kazi ke ka buri munsi.

Umugabo we yabwiye the sun ko ashimishwa n’imiterere y’umugore we, kandi ko iyo bari kumwe mu nzira abantu bamutangarira we yumva bimunejeje cyane.

Ati ”Mfite umugore mwiza cyane kandi wifitiye icyizere. Iyo turi kumwe mu nzira nkabona abagabo bamureba nshimishwa n’uko ari uwanjye atari uwabo.’’

Amafoto ya Ruffinelli mu bihe n’uburyo bitandukanye

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO