Uganda : Imyambarire idasanzwe mu tubyiniro i Kampala

Uganda : Imyambarire idasanzwe mu tubyiniro i Kampala


Yanditswe kuya 28-05-2012 - Saa 11:52' na Ally Muhawe

Mu gihugu cya Uganda haharawe ibitaramo bikunze kubera mu tubyiniro bikitabirwa n’abakobwa n’abagore bambaye imyambaro abenshi bita iy’urukozasoni.

Nk’uko tubikesha Ikinyamakuru Red Pepper, ngo amajoro yo muri Uganda ashyushye kurusha amanywa yaho, ariko ngo noneho bimaze kurenga urugero kuva hatangizwa ibyo birori bibiri bizwi aribyo “Bahamas” byatangijwe na nyiri Elyt Magazine, Sean Ndawula ndetse n’ibyitwa “Caribbean” biherutse gutangizwa n’umugore witwa Lisa Linda wo muri icyo gihugu.

Ibi birori byombi bitandukaniye ku mazina ariko imigendekere ya byo ni imwe, byose bibera mu tubyiniro bikitabirwa n’abagore n’abakobwa bameze nk’abambaye ubusa, aho bataramana n’abagabo kugeza mu rucyerera.

Nko mu kirori cyo mu ijoro ryo muri weekend ishize cyari cyabereye mu kabyiniro Silk ko mu mujyi wa Kampala, gicurangwamo n’abahanzi nka Jackie Chandiru na Vampino. Cyagaragayemo abakobwa n’abagore bambaye imyenda yo ku mazi (plage, beach) yiganjemo za bikini, imyenda y’imbere gusa n’indi nk’iyo.

Ibi bitaramo bimaze kugira akabyiniro ka “who is who” bisobanura ko ababa babyitabiriye baba basinze bikabije ku buryo nta we umenya undi, bivugwa ko kandi abakobwa bambara iyo myenda bagamije kwerekana ibyo ba nyina babahaye.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO