Umuherwe w’umunyafurika y’Epfo 1/2 cy’umutungo we yakigeneye abababaye

Umuherwe w’umunyafurika y’Epfo 1/2 cy’umutungo we yakigeneye abababaye


Yanditswe kuya 30-01-2013 - Saa 14:33' na Mathias Hitimana

Umunyafurika y’Epfo, Patrice Motsepe, yatangaje ku wa mbere ko agiye gutanga igice cy’umutungo we akagiha umushinga ufasha abakene n’ab’amikoro make.

Nk’uko tubikesha Jeune Afrique, uyu muherwe w’imyaka 51, afite akayabo ka miliyari 2,65 y’amadolari, akaba umuherwe uza ku mwanya wa munani muri Afurika yose mu butunzi nk’uko “Forbes magazine yo muri Amerika iherutse kubigaragaza.

Uyu muherwe ni umuyobozi w’isosiyete icukura amabuye y’agaciro muri Afurika y’Epfo yitwa "African Rainbow Minerals.

Umuherwe Patrice Motsepe

Uwo mutungo ungana gutyo ngo azakoreshwa mu gihe akiriho na nyuma yabwo ahindura imibereho y’Abanyafurika y’Epfo bakennye, bafite ubumuga, abatagira akazi.

Motsepe yemeye gutanga umutungo we afasha ab’amikoro make, ashyira mu bikorwa iby’umushinga watangijwe ku mugaragaro mu 2010 wo guhamagarira abaherwe gufasha "Giving Pledge" watangijwe n’abaherwe b’Abanyamerika, Warren Buffett na Bill Gates, bamamaye mu butunzi ku isi, bazaga ku isonga ryabatunze akayabo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO