Umukobwa wa Whitney Houston yafotowe atumura itabi

Umukobwa wa Whitney Houston yafotowe atumura itabi


Yanditswe kuya 9-02-2013 - Saa 17:50' na Umurerwa Emma-Marie

Nyuma y’umwaka umwe gusa umuhanzikazi Whitney Houston yitabye Imana, umukobwa we Bobbi Kristina yafotowe asangira itabi n’umukunzi we, mu gihe amakuru menshi akomeje kuvuga ko nyina yaba yarahitanwe n’ibiyobyabwenge.

Urubuga rwa TMZ dukesha iyi nkuru, rwashyize ahagaragara amafoto ya Bobbi Kristina n’umukunzi Nick Gordon bafotowe batembera mu mujyi wa Atlanta muri Leta zunze Ubumwe za Amerika, batumura itabi.

Mu gihe hari amakuru akomeza kuvuga ko nyina yaba yarazize ibiyobyabwenge, uyu mukobwa ntacyo mimubwiye, kuko na we yatangiye kubinywera ku mugaragaro.

Whitney Houston yitabye Imana ku itariki ya 11 Gashyantare 2012. Bamwe bavuga ko yazize ibiyobyabwenge bivanze yanyoye, yajya mu bwogero akagwamo, abandi bakavuga ko yaba yarishwe.

Cissy Houston nyina wa Whitney Houston, akaba ahangayikishijwe n’imyitwarire y’umwuzukuru we.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO