Umusambane yakijije nyir’urugo

Yanditswe na Rene Anthere Rwanyange
Kuya 18 Werurwe 2013 saa 01:22
Yasuwe :
0 0

Nadia S’Kalli-Bouaziza umugore w’imyaka 46 y’amavuko, ukomoka mu gihugu cy’u Bufaransa mu mujyi wa Bordeaux, yafunzwe ashinjwa n’urukiko rwa Bordeaux kugerageza kwicisha umugabo we w’imyaka 60 y’amavuko ukomoka muri Portugal, amuziza ko yamushatse kandi yari afite undi mugore basezeranye.
Amakuru dukesha 7sur7, adutangariza ko uyu mugore yabwiye uwahoze ari umukunzi we mu myaka ya kera mbere y’uko arushinga, iby’urwango afitiye umugabo we n’icyo amuziza, maze basubukura umubano wabo.
Indaya ya (...)

Nadia S’Kalli-Bouaziza umugore w’imyaka 46 y’amavuko, ukomoka mu gihugu cy’u Bufaransa mu mujyi wa Bordeaux, yafunzwe ashinjwa n’urukiko rwa Bordeaux kugerageza kwicisha umugabo we w’imyaka 60 y’amavuko ukomoka muri Portugal, amuziza ko yamushatse kandi yari afite undi mugore basezeranye.

Amakuru dukesha 7sur7, adutangariza ko uyu mugore yabwiye uwahoze ari umukunzi we mu myaka ya kera mbere y’uko arushinga, iby’urwango afitiye umugabo we n’icyo amuziza, maze basubukura umubano wabo.

Indaya ya Nadia imaze kumenya ibyo yifuza gukorera umugabo we, yamwemereye kumushakira umuntu uzamumwicira kuko uyu mugore yari yiteguye kwishyura amafaranga angana n’ama euros 4000. Igice cy’aya mafaranga cyishyuwe mbere hatangwa impapuro zigaragaza ko yishyuwe n’impamvu.

Umugambi wa Nadia ntiwamuhiriye kuko indaya ye yamuvuyemo ubwo yafataga umwanzuro wo kubibwira umugabo wa Nadia, maze bajya kuri polisi kumurega. Berekanye impapuro yishyuriyeho ya mafaranga batanga n’amajwi bamufashe mu kiganiro yagiranye n’ihabara ye kuri telefoni aho avugamo umugambi we.

Nadia yakatiwe igifungo cy’amezi 30 bamuca n’ihazabu y’amafaranga angana n’ama euros 3000 y’indishyi z’akababaro. Aba bagabo babiri ntibigeze baba inshuti n’ubwo umwe yakijije undi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza