USA :  Begukanye igihembo cy’umuryango wa mbere umaranye imyaka myinshi ku isi

USA : Begukanye igihembo cy’umuryango wa mbere umaranye imyaka myinshi ku isi


Yanditswe kuya 8-02-2013 - Saa 12:11' na Christophe Hitayezu

Muri Leta Zunze Ubumwe za Amerika, umusaza n’umukecuru, John na Ann Betar , bamaranye imyaka 80 nibo batsindiye igihembo gitangwa n’itsinda rya gikirisitu ryitwa Worldwide Marriage Encounter rikora ubushakashatsi buri mwaka mu rwego rwo gushishikariza abakiri bato kuzakomera ku isezerano ry’abashakanye.

Nk’uko uwo muryango Worldwide Marriage Encounter wabitangaje mu nkuru dukesha BBC, John na Ann Betar, bo muri Leta ya Connecticut, bamaranye imyaka 80 babana. Bashyingiwe kuwa 25 Ugushyingo 1932, bafitanye abana batanu, abuzukuru 14 n’abuzukuruza 16. Uyu musaza n’umukecuru batsindiye igihembo bahize benshi bari ku rutonde rwakozwe kuva mu Gushyingo umwaka ushize wa 2012 kugeza muri Mutarama 2013.

Abakomeye ku ibanga ry'isezerano ry'abashakanye bakaba bamaranye igihe kirekire, uko bari bakiri abageni n'ubu mu busaza bwabo

Mu Gushyingo 2012, ubwo bizihizaga isabukuru yabo y’imyaka 80 bamaranye barushinze batangaje ko ari uimugisha kuri bo. John na Ann Betar ngo bameze neza.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO