USA : Obama yateruriwe muri resitora

Amezi abiri abura ngo muri Leta Zunze Ubumwe z’Amerika ngo habe amatora y’umukuru w’igihugu, yiyamamariza muri Leta ya Floride, Barack Obama yatunguwe no guterurwa n’umwe mu bakunzi be.

Mu mpera z’icyumweru gishize Perezida Barack Obama ubwo yarari mu gikorwa cyo kwiyamamaza muri Leta ya Floride yagiye muri resitora yitwa "Big Apple Pizza & Restaurant", bategujwe ko Obama agiye kuhagera mbere y’iminota mirongo ine, ny’iriyo resitora Scott Van Duzer yagize ibyishimo bidasubirwaho.

Amakuru dukesha politico.com avuga ko Scott Van Duzer atabashije guhisha umunezero we mu gihe yabonye Obama yahise amuhobera amaterura, Barack Obama amaze guterurwa yabajijee uwo mugabo ko naramuka ariye kuri pizza ze nawe ari bugire ibyishimo nk’ibye ? Arongera ati ”Uterura ibyuma cyangwa ?”.

Reba uko byagenze :

Kubera uburyo Barack Obama arigusabana cyane n’abaturage ndetse aherutse gusetsa abantu ari kumwe n’umwana ukomoka muri Hawai, ibyo byamuhesheje amanota 4 arusha mugenzi we bari guhatanira umwanya w’umukuru w’igihugu Mitt Romney.