Yabonye ubutumwa bumusaba gukurikira abapfuye

Yabonye ubutumwa bumusaba gukurikira abapfuye


Yanditswe kuya 26-01-2013 - Saa 18:09' na Emile Nsabimana

Umugabo yagiye ku rugendo mu mahanga, ku bw’amahirwe asanga mudasobwa muri hoteli yari agiye gucumbikamo.

Yahise yihutira kwandikira umugore we yasize mu rugo, ariko agiye kohereza yibeshya kuri ‘email address’ y’umugore we ayoherereza umugore wari wapfushije umugabo.

Uwo munsi uwo mugore wari wapfushije umugabo ni bwo bari bashyinguye, akivayo ahuta ajya kureba ko hari email bamwoherereje wenda bamwihanganisha!

Ubutumwa bwa mbere bwari bwa bundi bwayobye. Akibusoma yikubise hasi, umuhungu we aza akurikiye ngo areba icyo nyina abaye, asoma ubwo butumwa bwari buteye butya:

Ku mugore wanjye nkunda cyane,

Nagezeyo amahoro. Ndabizi ko bigutangaje kubona iyi baruwa kuko utakekaga ko nabona uburyo nkwandikira ariko burya mudasobwa zabanje kugera ino aha mbere yo kugera aho kandi nasanze bemerera abantu kwandikira abakunzi babo.

Ubu tuvugana maze akanya mpageze. Banyeretse icyumba ndaramo ariko irungu riranyishe. Ngiye kureba uburyo nawe wahansanga mu cyumweru gitaha. Ndizera ko uzabona abaguherekeza nk’uko nanjye mwamperekeje, bisous!

Cherie, ni ah’ejo!

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO