Yamutemye izuru amuziza gushaka gushyingirwa

I Jaipur mu Buhinde haravugwa umugabo Suresh Jaat w’imyaka 38 watemye izuru ry’umugore we Manju w’imyaka 34 bari baratanye, amuziza ko agiye gushyingirwa bundi bushya.

Suresh Jaat yari yarashakanye na Manju ariko baza gutandukana mu buryo bwemewe n’amategeko, nk’uko urubuga Femmeszoom.com dukesha iyi nkuru rubitangaza.

Polisi yo muri iki gihugu ivuga ko ibyo byabaye kuwa Gatandatu ushize mu gace ka Pratapgarh, ubwo Suresh yadukiraga uwahoze ari umugore we Manju akamutema izuru kuko ngo yahisemo kwishakira undi mugabo.

Kuri ubu uyu mugore yarangiritse cyane mu maso, agiye kubagwa kugira ngo barebe ko yagarura isura ye n’ubwo bikomeye. Polisi nayo iracyakora iperereza ryimbitse kuri ubu bugizi bwa nabi.

Manju watemwe izuru