Yasinziriye inshuro ebyiri atwaye indege

Yanditswe na Rene Anthere Rwanyange
Kuya 2 Werurwe 2013 saa 06:57
Yasuwe :
0 0

Umupiloti w’indege ya Air New Zealand yasinziriye inshuro ebyiri ubwo yari atwaye indege ya Boeing yavaga i Londres mu Bwongereza igana i Los Angeles muri Leta Zunze Ubumwe za Amerika, akaba yaraje gusabwa kwisobanura ku gusinzira kwe.
Ibiro Ntaramakuru by’Abafaransa dukesha iyi nkuru bitangaza ku wa gatanu tariki ya 1 Werurwe 2013 ko uyu mupiloti yari atwaye indege Boeing 777-300ER ifite ubushobozi bwo gutwara abantu 332, yasinziriye inshuro ebyiri mu gihe kingana nibura n’umunota umwe ubwo (...)

Umupiloti w’indege ya Air New Zealand yasinziriye inshuro ebyiri ubwo yari atwaye indege ya Boeing yavaga i Londres mu Bwongereza igana i Los Angeles muri Leta Zunze Ubumwe za Amerika, akaba yaraje gusabwa kwisobanura ku gusinzira kwe.

Ibiro Ntaramakuru by’Abafaransa dukesha iyi nkuru bitangaza ku wa gatanu tariki ya 1 Werurwe 2013 ko uyu mupiloti yari atwaye indege Boeing 777-300ER ifite ubushobozi bwo gutwara abantu 332, yasinziriye inshuro ebyiri mu gihe kingana nibura n’umunota umwe ubwo indege yari mu kirere.

Nk’uko itangazo ryashyizwe ahagaragara na Kompanyi y’indege ya New Zealand, uyu mupiloti ngo yisobanuye avuga ko yari yaraye adasinziriye. Agira ati “bitunguranye, nasinziriye inshuro ebyiri bitewe n’umunaniro kuko nari naraye ntasinziriye.”

Yasobanuye ko icyatumye adasinzira ari uko yimuwe inshuro eshatu muri hoteli yari yarayemo, bitewe kubera ko ibyuma byongera umwuka mu nzu bitakoraga neza.

Muri iyi ndege harimo abapiloti batatu, umutekano w’abagenzi ukaba utarigeze uhungabana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza