NEC yatanze umunsi ntarengwa wo kwikosoza ku ilisiti y’itora

Yanditswe na Bukuru JC
Kuya 16 Nyakanga 2017 saa 07:36
Yasuwe :
0 0

Komisiyo y’Amatora (NEC) yibukije Abanyandwanda ko bigeze mu minsi ya nyuma yo gutunganya lisiti ntakuka y’abazemererwa gutora Umukuru w’Igihugu, isaba abatarasuzuma imyirondoro yabo ko imeze neza kubikora bitarenze kuwa 17 Nyakanga 2017.

Umunyamabanga Nshingwabikorwa wa NEC, Charles Munyaneza, yatangaje ko abatarikosoza ku ilisiti y’itora babikora bitarenze kuwa Mbere tariki ya 17 Nyakanga 2017 mu gihe hateganyijwe ko ilisiti ntakuka izatangazwa kuwa 19 Nyakanga.

Urutonde rw’agateganyo NEC iherutse gusohora rugaragaza ko abari ku ilisiti y’abazatora Perezida wa Repubulika ari 6,888,592, barimo abagabo 3,170,090 n’abagore 3,718,502.

Mu kiganiro n’itangazamakuru kuwa Kane, tariki ya 13 Nyakanga, Perezida wa NEC, Prof. Kalisa Mbanda, yahamagariye Abanyarwanda kuzitabira amatora ari benshi kuko by’umwihariko binahesha ishema Umukuru w’Igihugu watsinze amatora.

Abakandida Dr Frank Habineza watanzwe n’ishyaka Democratic Green Party , Paul Kagame watanzwe na FPR Inkotanyi na Phillippe Mpayimana, bose batangiye ibikorwa byabo byo kwiyamamaza kuwa 14 Nyakanaga.

Amatora ya Perezida wa Repubulika ateganyijwe kuwa 3 Kanama ku Banyarwanda bazatorera mu mahanga no kuwa 4 Kanama ku Banyarwanda bari imbere mu gihugu.

Umunyamabanga Nshingwabikorwa wa NEC, Charles Munyaneza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza