00:00:00 IGIHE NETWORK KN KINYARWANDA EN ENGLISH FR FRANCAIS

Nyamagabe : Abahinzi barenga 4700 bandikiye Inteko basaba ihindurwa ry’Itegeko Nshinga

Yanditswe na

Ntakirutimana Deus

Kuya 26 Mata 2015 saa 04:59
Yasuwe :
0 0

Abanyamuryango ba Koperative y’abahinzi b’icyayi mu misozi y’ubutumburuke (KOBACYAMU) ikorera mu karere ka Nyamagabe basaga ibihumbi 4700 basinye ibaruwa basaba ko ingingo ya 101 y’Itegeko Nshinga yahindurwa Perezida Kagame akaziyamamaza ku mwanya w’Umukuru w’Igihugu mu 2017.

Kuwa Gatanu tariki ya 24 Mata 2015, abahinzi b’icyayi 4725 bahaye abayobozi babahagarariye ibaruwa bashyizeho umukono, basaba ko ingingo y’101 ivuga ko manda z’Umukuru w’Igihugu zitarenga ebyiri yakurwaho.

Abahinzi b'icyayi bandikiye Inteko basaba ko Itegeko Nshinga ryahinduka

Aba bahinzi bagize iyi koperative bavuze ko icyo bashingiraho ari uko bageze kuri byinshi babikesha Perezida Paul Kagame.

Mu kiganiro kirambuye na IGIHE, Umuyobozi w’Inama y’ubutegetsi ya Kobacyamu, Nsabimana Pascal, yavuze ko iterambere bagezeho ari kimwe muri byinshi byatumye basinya iyi baruwa, kuko bishimira n’umutekano igihugu gifite.

Yagize ati“Harimo abafite televiziyo bareba hanze uburyo ibihugu byinshi ku Isi nta mutekano bifite bareba mu Rwanda bakibaza bati ‘ese umutekano twawuhawe na nde? Nibo bitoreye Itegeko Nshinga bazi umwaka usigaye cyangwa ibiri ngo manda y’umuyobozi wacu irangire, bakavuga bati ko ari twe twaryitoreye kuki tutasaba Abadepite bakaduhindurira iriya ngingo Umukuru wacu akongera akiyamamaza?”

Yakomeje avuga ko uru rwandiko azarugeza ku Nteko Ishinga amategeko, Umutwe w’Abadepite vuba.

Yagize ati“Ntidukeneye kuvogerwa nk’u Rwanda, abaturage babivuze mwumva…Tubisabye nk’abahinzi b’icyayi, bitarenze kuwa Mbere [tariki ya 27 Mata] nzaba nabigejeje ku Nteko Ishinga Amategeko.”

Yakomeje agaragaza ko ashimira ubuyobozi buriho ko mwatumye abaturage bo mu cyahoze ari Gikongoro batagitukwa, kuko abatuye Nyamagabe biteje imbere.

Yagize ati“Niba mwatwitegereje, Abatebo ntituzi n’ishusho yabo uko yasaga, uyu munsi mwatubonye turasobanutse, aha ngaha ushyizemo abantu b’i Kigali ntiwaza ngo uvuge ngo uyu ni uw’i Kigali kubera gusobanuka, imivugire, imikorere.”

Yakomeje agira ati“Gikongoro mbere nta bayobozi bayitagaho, ubu ngubu hari abayobozi bayitaho uhereye kuri Perezida kugera ku Mudugudu, amakuru turayahana, mudutumikire batwemerere gusa ibindi mubitege amaso.”

Uyu muyobozi w’ishyirahamwe ry’abahinzi b’icyayi yagaragaje ko abaturage bikorera bakitunga, bitandukanye na kera bategerezaga imfashanyo.

Aba bahinzi banditse iyi baruwa basaba ihindurwa ry’Itegeko Nshinga bakurikira abamotari b’i Rusizi banditse muri iki cyumweru, abacuruzi b’i Burera, Abanyeshuri bo muri Kaminuza y’u Rwanda ishami ry’Uburezi, imitwe ya politiki itandukanye, n’abandi batandukanye.

Abahinzi b'icyayi bahagarariye abandi
Avuga ko guhnga icyayi yakuyemo byinshi birimo inzu ya miliyoni 10

[email protected]
twitter :@NtakirutaDeus


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .