Kwamamaza

FESPAD mu gitaramo “Gala Night” umuziki washimishije imbaga

Yanditswe kuya 28-02-2013 saa 07:25' na Emmanuel Kwizera
     


Iserukiramuco FESPAD mu ijoro ryo kuwa 27 Gashyantare 2013 ryakomereje mu gitaramo , “Gala Night”, cyashimishije abantu bataramiwe n’Umunyanijeriya, Femi Anikulapo Kuti uririmba mu njyana ya Afro Beat yavumbuwe na Se.
Igitaramo cyaranzwe n’umuziki ucuranze unabyinwa imbona nkubone “Live” muri Serena Hotel, Femi Kuti yaririmbye yifashishije ibicurangisho byinshi birimo Saxophone icyuma cy’umurage akomora kuri se, imirya y’inanga, ibinyuguri, Piyano n’ibindi bikoresho by’umuziki wa gakondo. (...)

Iserukiramuco FESPAD mu ijoro ryo kuwa 27 Gashyantare 2013 ryakomereje mu gitaramo , “Gala Night”, cyashimishije abantu bataramiwe n’Umunyanijeriya, Femi Anikulapo Kuti uririmba mu njyana ya Afro Beat yavumbuwe na Se.

Igitaramo cyaranzwe n’umuziki ucuranze unabyinwa imbona nkubone “Live” muri Serena Hotel, Femi Kuti yaririmbye yifashishije ibicurangisho byinshi birimo Saxophone icyuma cy’umurage akomora kuri se, imirya y’inanga, ibinyuguri, Piyano n’ibindi bikoresho by’umuziki wa gakondo.

Femi Anikulapo Kuti aririmba imbona nkubone

Usibye Femi, n’abahanzi bataramye nka Liza Kamikazi na Mighty Popo mu njyana z’umuco gakondo.

Mighty Popo watangije iki gitaramo yicurangiraga inanga, afashijwe na producer Aaron Nitunga wamucurangira gitari, amufasha no kuririmba, umuhanzi Mani Martin nawe arimo kumufasha kuririmba mu ndirimbo z’Ikinyarwanda kuko asanzwe anacuranga injyana z’umuco nyafurika.

Liza Kamikazi wiyerekanye mu njyana gakondo z’umuco nyarwanda zivanze n’uwa kinyafurika, yaririmbye atuje, ariko akanyuzamo agafasha abamubyiniraga kinyarwanda.

Liza yaririmbaga acurangirwa gitari n’umugabo we, David Wald , wanamufashaga mu nyikirizo y’indirimbo.

Mu mbaga y’abitabiriye igitaramo muri Serena Hotel, harimo abanyarwanda n’abanyamahanga biganjemo abitabiriye iserukiramuco FESPAD, hamwe n’abanyacyubahiro batandukanye barimo Minisitiri w’Umuco, Protais Mitali, Umuyobozi w’agateganyo mu Kigo cy’Igihugu cy’Iterambere (RDB) Clare Akamanzi n’abandi.

Liza Kamikazi aririmba
Abayobozi barimo Minisitiri w'Umuco na Siporo, Protais Mitali, Umuyobozi wa RDB, Akamanzi Claire n'abandi byageze aho nabo barabyina
Ntawasigaye yicaye atabyinnye
Popo yatwawe n'umurya w'inanga
Producer Aaron Nitunga
Mani Martin yaririmbaga yatwawe
Akanyamuneza kari kose ku bitabiriye igitaramo
Femi yigaragaje aririmba, anacuranga ibyuma bitandukanye


Photo: Parfait Karekezi

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved