Urukerereza ruzagaragara muri FESPAD

Yanditswe na Mathias Hitimana
Kuya 25 Mutarama 2013 saa 12:41
Yasuwe :
0 0

Nyuma yo kuzenguruka mu gihugu hose rishaka ababyinnyi, itorero ry’igihugu "Urukerereza", abarigize bari mu kwitoza imikino n’imbyino bazagaragaza mu iserukiramuco rizahuza abahanzi batandukanye bo mu karere ka Afurika y’Iburasirazuba (JAMAFEST) n’irya Afurika yose ,FESPAD riteganyijwe muri Gashyantare 2013.
Makuza Laurent, umuyobozi w’umuco muri Minisiteri y’Umuco na Siporo (MINISPOC) yatubwiye muri ko uyu ari umwanya mwiza itorero ry’igihugu rigiye kongera kugarukiraho kandi rivuguruye.
Ati (...)

Nyuma yo kuzenguruka mu gihugu hose rishaka ababyinnyi, itorero ry’igihugu "Urukerereza", abarigize bari mu kwitoza imikino n’imbyino bazagaragaza mu iserukiramuco rizahuza abahanzi batandukanye bo mu karere ka Afurika y’Iburasirazuba (JAMAFEST) n’irya Afurika yose ,FESPAD riteganyijwe muri Gashyantare 2013.

Makuza Laurent, umuyobozi w’umuco muri Minisiteri y’Umuco na Siporo (MINISPOC) yatubwiye muri ko uyu ari umwanya mwiza itorero ry’igihugu rigiye kongera kugarukiraho kandi rivuguruye.

Ati “Ni abakinnyi batoranyijwe mu gihugu hose barimo ababyinnyi, abaririmbyi n’abacuranga ibicurangisho gakondo nk’imyirongi, ndizeza abantu ko mu minsi iri imbere muzabona Urukerereza ruri ku rwego rwo hejuru.”

Kugira ngo ibi bigerweho, Makuza avuga ko abagize Urukerereza bari mu mwiherero nk’uko bigenda ku bakinnyi bose bagiye gusohokera igihugu. Aho bari ngo barimo kwitoza cyane, banatozwa indangagaciro ziranga umuntu uhagarariye cyangwa usohokeye igihugu, kuko bagiye kujya bagisohokera kenshi.

Urukerereza kandi biteganijwe ko ruzahatana n’andi matorero y’ibihugu 40 byatumiwe muri FESPAD.

MINISPOC iratangaza ko Urukerereza rwongeye kugaruka nyuma y’igihe kinini rudakora, rufite byinshi ruzagaragariza Abanyarwanda mu maserukiramuco rugiye kwitabira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza