Kwamamaza

Indirimbo irimo amazina 53 y’abanyamakuru bazize Jenoside yasohotse

Yanditswe kuya 11-04-2012 saa 16:41' na Kwizera Emmanuel
     


Inama Nkuru y’Itangazamakuru yagejeje hanze indirimbo ihuriweho n’abahanzi bagera kuri bane basanzwe bazwi cyane hano mu Rwanda aribo Senderi muri iyi minsi urimo kwitwa izina rya Senderi international dore ko ari nawe wakoze iyi ndirimbo afatanyije n’abahanzi nka Mariya Yohana, Kitoko Bibarwa n’umuhanzi Munyanshoza Dieudonne uzwi na benshi kw’izina rya Mibirizi.
Iyi ndirimbo yatekerejwe n’Inama nkuru y’Igihugu y’Itangazamakuru nk’uko IGIHE yabitangarijwe n’ushinzwe Ibiganiro n’Umuco mu Nama Nkuru (...)

Inama Nkuru y’Itangazamakuru yagejeje hanze indirimbo ihuriweho n’abahanzi bagera kuri bane basanzwe bazwi cyane hano mu Rwanda aribo Senderi muri iyi minsi urimo kwitwa izina rya Senderi international dore ko ari nawe wakoze iyi ndirimbo afatanyije n’abahanzi nka Mariya Yohana, Kitoko Bibarwa n’umuhanzi Munyanshoza Dieudonne uzwi na benshi kw’izina rya Mibirizi.

Iyi ndirimbo yatekerejwe n’Inama nkuru y’Igihugu y’Itangazamakuru nk’uko IGIHE yabitangarijwe n’ushinzwe Ibiganiro n’Umuco mu Nama Nkuru y’Itangazamakuru Mujyambere Jean Pierre, yatangaje ko iyi ndirimbo yumvikanamo amazina 53 y’abanyamakuru bazize Jenoside yakorewe Abatutsi, yahanzwe bitewe n’ubushakashatsi bwari bwakozwe bwerekeye kuri aba banyamakuru bazize Jenoside ikaba yaratekerejwe mu rwego rwo kubika amateka ndetse no kugaragaza uruhare rw’itangazamakuru ry’ubu.

Iyi ndirimbo yitwa “Tubibe ukuri”, kuri ubu yamaze no gukorerwa amashusho aho hagaragaramo amwe mu mashusho yabonetse y’aba Banyamakuru. Yakozwe ku bufatanye n’abarokotse bo mu miryango y’aba Banyamakuru kuri ubu bakiriho.

Aba bahanzi bakoze iyi ndirimbo ku bufatanye bw’Inama Nkuru y’Itangazamakuru, basanzwe ari bamwe mu bahanzi barimo kugaragaza ibikorwa bifasha Abanyarwanda muri ibi bihe byo kunamira abazize uko bavutse.

Inama Nkuru y’Itangazamakuru kuwa Gatandatu tariki ya 14 Mata 2012, yateguye ijoro ryo kwibuka Abanyamakuru bazize Jenoside yakorewe Abatutsi ku cyicaro cyayo i saa kumi n’imwe z’umugoroba, nyuma yo kwifatanya n’abarokotse Jenoside batuye mu Mudugudu wa Gatwa, Akagari ka Bugaragara, mu Murenge wa Shyorongi, mu Karere ka Rulindo.

Kanda hano wumve iyi ndirimbo

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved