Jason Derulo arasaba Abanyarwanda kuzitabira igitaramo azakorera mu Rwanda

Yanditswe na

Richard Irakoze

Kuya 22 Nyakanga 2012 saa 11:22
Yasuwe :
0 0

Umuhanzi, umubyinnyi, n’umwanditsi w’indirimbo w’Umunyamerika Jason Derulo arasaba abafana kuzitabira igitaramo azakorera mu Rwanda kuri uyu wa Gatandatu tariki ya 28 uku kwezi kwa Nyakanga 2012 avuga ko abahishiye byinshi byiza.
Mu magambo ye, avuga agaragara mu mashusho ari ku rubuga rwa Youtube.com, Jason Derulo avuga ko iki gitaramo kizaba kiryoshye, agasaba Abanyarwanda n’abakunzi b’umuziki kuzacyitabira.
Mu gapira gato kamufashe k’icyatsi gafiteho ishusho ya mpande-enye y’ibara ry’umukara (...)

Umuhanzi, umubyinnyi, n’umwanditsi w’indirimbo w’Umunyamerika Jason Derulo arasaba abafana kuzitabira igitaramo azakorera mu Rwanda kuri uyu wa Gatandatu tariki ya 28 uku kwezi kwa Nyakanga 2012 avuga ko abahishiye byinshi byiza.

Mu magambo ye, avuga agaragara mu mashusho ari ku rubuga rwa Youtube.com, Jason Derulo avuga ko iki gitaramo kizaba kiryoshye, agasaba Abanyarwanda n’abakunzi b’umuziki kuzacyitabira.

Mu gapira gato kamufashe k’icyatsi gafiteho ishusho ya mpande-enye y’ibara ry’umukara mu gatuza handitsemo amagambo “High Quality”, yambaye amaherena ku matwi yombi, ubwanwa bwinshi ku munwa, agaragaza na Tattoo ku kuboko kw’ibumoso, Jason Derulo agira ati:”Everybody What’s Up! It’s your truly Jason Derulo. Rwanda I Am coming to see you July 28, so get prepared it gonna be a crazy show.”

Aya magambo ya Jason Derulo mu Kinyarwanda agira ati:”Muraho, Ni Jason Derulo. Rwanda nzaza kubareba kuwa 28 Nyakanga mwitegure bizaba ari ibicika!”

Mu yandi mashusho nk’aya, nayo ari kuri Internet Jason Derulo avuga ko azaba aje mu gitaramo cyo gusoza amarushanwa ya Primus Guma Guma Super Star Season II. Agira ati:”Muzaze kwifatanya nanjye muri Primus Guma Guma Season II Final.”

Uyu muhanzi uzazanana na Live Band ye yose, biteganijwe ko azataramira Abanyarwanda mu gitaramo cya Full LIVE. Iki gitaramo kizabera kuri Stade Nini i Remera-Stade Amahoro. Muri iki gitaramo hazagaragaramo abahanzi King James na Jay Polly bageze ku musozo w’iri rushanwa.

Kim Kizito, umuvugizi wa EAP avuga ko iki gitaramo kizatangira ahagana mu ma saa kumi n’ebyiri z’umugoroba kugeza mu ma saa tau z’ijoro. Iki gitaramo kizaba gica Live kuri RTV no ku rubuga rwa EAPMUSIC.com, ku buryo bwa LIVE.

Tubibutse ko umuhanzi uzatsindira PGGSS II atazakorana indirimbo na Jason Derulo nk’uko umwaka ushize byagenze Tom Close agakorana indirimbo na Sean Kingston. Ubuyobozi butegura aya marushanwa buvuga ko ari ukubera ko basanze bidatanga umusaruro.

Ahubwo uzegukana iri rushanwa azashyigikirwa mu bikorwa bye by’ubuhanzi nko gukora indirimbo gusohora Album no gukora ibitaramo. Azahembwa miliyoni 24 zikubiyemo ayo mafaranga yo kumushyigikira mu bikorwa by’ubuhanzi bwe.

Dore ubutumwa Jason aha Abanyarwanda:

Andi mashusho Jason asabamo Abanyarwanda kwitabira igitaramo azazamo

Indirimbo "Breathing" nshyashya mu mashusho ya Jason Derulo

Kanda HANO urebe amafoto mashya ya PGGSS II


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza