Jason Derulo yasuye abarwayi muri CHUK

Yanditswe na

Richard Irakoze

Kuya 29 Nyakanga 2012 saa 06:55
Yasuwe :
0 0

Mbere y’uko asubira muri Leta Zunze Ubumwe z’Amerika, umuhanzi Jason Derulo, w’imyaka 23, yasuye abarwayi bo bitaro bikuru bya Kaminuza bya Kigali (Centre Hospitalier Universitaire de Kigali-CHUK) aganira nabo ndetse aranabahumuriza mu kubasangiza ku mafunguro.
Uru rugendo rwamaze igihe kigera ku isaha imwe, rwabaye mu kigoroba cyo kuri iki Cyumweru Tariki ya 29 Nyakanga 2012.
Jason Derulo yatembereye mu bitaro asura abarwayi b’ingeri zose anabihanganisha. Yagaburiye bamwe mu barwayi (...)

Mbere y’uko asubira muri Leta Zunze Ubumwe z’Amerika, umuhanzi Jason Derulo, w’imyaka 23, yasuye abarwayi bo bitaro bikuru bya Kaminuza bya Kigali (Centre Hospitalier Universitaire de Kigali-CHUK) aganira nabo ndetse aranabahumuriza mu kubasangiza ku mafunguro.

Uru rugendo rwamaze igihe kigera ku isaha imwe, rwabaye mu kigoroba cyo kuri iki Cyumweru Tariki ya 29 Nyakanga 2012.

Jason Derulo yatembereye mu bitaro asura abarwayi b’ingeri zose anabihanganisha. Yagaburiye bamwe mu barwayi biganjemo abakunze guhura n’ikibazo cyo kutagira ababagemurira.

Jason Derulo ariko ntiyabashije kuvugana n’itangazamakuru.

Nyuma y’uru rugendo, Landry Jabo, umukozi wa East African Promoters (EAP)-bategura irushanwa rya Primus Guma Guma Super Star ari nabo bazanye uyu muhanzi mu Rwanda ku bufatanye na BRALIRWA, yatangarije IGIHE ko Jason Derulo yari yaravuze ko atifuza gusubira muri Leta Zunze Ubumwe z’Amerika adasuye nibura ibitaro by’abana cyangwa ibitaro by’imfubyi ngo yifatanye n’abarwayi.

Gusa kubera umwanya muto, yahisemo gusura nibura ibitaro bimwegereye, aribwo yafataga gahunda yo gusura ibitaro bya CHUK kuri iki Cyumweru.

Uyu muhanzi, Jason Derulo wataramiye Abanyarwanda kuwa Gatandatu tariki ya 28 Nyakanga 2012, kuri Stade Amahoro i Remera mu gusoza irushanwa rya PGGSS II, yahise yerekeza iwabo ku mugoroba wo kuri iki Cyumweru tariki ya 29 Nyakanga akiva gusura abarwayi bo mu bitaro bya CHUK.

Ubwo yari muri iki gitaramo cyatangarijwemo ko King James yegukanye umwanya wa mbere mu marushanwa ya PGGSS II, Jason Derulo yabwiye Abanyarwanda ko yishimiye kuza muri Afurika bwa mbere kuhagurira umuziki we.

Uyu muhanzi uherutse guhimba indirimbo zigize Album ye nshya zibanda ku butumwa bushamikiye ku mvune y’ijosi aherutse kugira, yijeje Abanyarwanda ko nasubira iwabo azatangaza ibyo yabonye mu Rwanda byose akabisangiza isi yose.

Yagize ati:”Ni ukuri ubu ni uburambe butangaje ngize. Nzasubira muri Amerika mbasangize ibyo nabonye.”

Jaon Derulo agana muri CHUK
Jason Derulo agaburira abarwayi
Jason Derulo ari kumwe na Joseph Mushyoma nyuma yo gusura abarwayi
Jason Derulo ari kumwe n'abategura amarushanwa ya PGGSS II bamuzanye mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza