Kwamamaza

Rayon Sport Gala Night: Abakinnyi bakanyujijeho muri Rayon Sports na Kiyovu Sports bashimiwe

Yanditswe kuya 15-11-2016 saa 10:03' na Karirima A. Ngarambe


Abakunzi ba Rayon Sports batuye mu Bubiligi no mu bindi bihugu byo ku mugabane w’u Burayi babarizwa mu muryango “Rayon Sports Europe” bahuriye mu mugoroba bise "Rayon Sport Gala Night” ukusanyirizwamo inkunga yo gutera iyi kipe.

Ibi birori byizihijwe tariki ya 12 Ugushyingo 2016, byabereye ahitwa La Bodega mu Mujyi wa Bruxelles mu Bubiligi, byahuriranye n’umuhango wo kumurikira abakunzi ba Rayon Sports n’inshuti zabo igikombe cy’Amahoro iyi kipe iheruka kwegukana itsinze APR FC igitego kimwe ku busa.

Rayon Sports Gala Night Gikundiro Funds yabaye kandi umwanya wo guhuza abahoze ari abakinnyi ba Rayon Sports n’andi makipe yo mu Rwanda, abanyamuryango n’inshuti zabo, hanatanzwe ibihembo byo gushimira byimazeyo bamwe mu bahoze ari abakinnyi bakanyujijeho mu myaka yo hambere bo mu makipe atandukanye nka Kiyovu Sports na Rayon Sports barimo Chrysostome Habimana, Muvara Valens, Murangwa Eugène, Sabiti Ntacyabukura, Dusange Jean Pierre Pokou, Napoléon Constantin na Hassan Karera.

Hahembwe hanashimwa kandi abandi batari abakinnyi ariko babaye abafana b’imena nka Grignot Nkezabera na Rwarutabura, mu gihe Hawa Gahongayire yahembwe nk’umugore wagize uruhare mu gushyigikira umupira w’amaguru mu Rwanda.

Mu bindi bihembo byatanzwe, Sekamonyo yashimiwe kuba Perezida wayoboye agahesha Rayon Sports ibikombe byinshi ndetse na Perezida wayo muri iki gihe, Gacinya Denis ahabwa igihembo cy’umuyobozi wa Rayon Sport kandi ukiri muto mu bayiyoboye bose kuva yabaho.

Perezida wa Rayon Sports Gacinya yashimiye Umuyobozi wa Rayon Sport Europe, Jean Pierre Rugero ndetse n’itsinda ayoboye mu Bubiligi bagize uruhare mu gutegura no gushyira mu bikorwa uyu munsi wahariwe Rayon Sports.

Iki gikorwa kibaye ku nshuro ya kabiri cyahurije hamwe abakanyujijeho muri ruhago yo hambere cyasojwe n’igitaramo cyari cyatumiwemo abahanzi bakomeye bazwi mu gihugu barimo Kitoko Bibarwa, Jean Paul Samputu, De Gaulle Ufiteyezu, Nyiranyamibwa Suzanne, Nyiratunga Alphonsine n’abandi.

Perezida wa Rayon Sports ageza ijambo ku bitabiriye ibi birori
Murangwa Eugène ashyikirizwa igihembo
Gacinya Denis asuhuzanya na Rugero Jean Pierre uyobora Rayon Sports Europe
Perezida wa Rayon Sports ashyikiriza Chrysostome Habimana igihembo
Hassan Karera yakira igihembo
Umuyobozi wa Rayon Sports Europe, Jean Pierre Rugero yerekana igikombe ikipe iheruka gutwara
Muzatsinda Emmanuel ahabwa ishimwe
Napoleon Constantin ashyikirizwa igihembo
Kitoko Bibarwa, umwe mu bahanzi baririmbiye abitabiriye igitaramo
Abafana ba Rayon Sports n'inshuti zabo bari babucyereye baje gushyigikira ikipe yabo no kureba igikombe yegukanye
Suzanne Nyiranyamibwa, Alphonsine Nyiratunga na Mihigo Chouchou bakora mu nganzo
Napoleon Constantin ashyikirizwa igihembo
Umuhanzi Ufiteyezu de Gaulle umwe mu basusurukije abitabiriye ibi birori
Jean Paul Samputu yashimishije abitabiriye iki gitaramo
Samputu mu ijwi riranguruye yahishuye ko afana Mukura VS
Umuhanzi Ufiteyezu de Gaulle umwe mu basusurukije abitabiriye ibi birori

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved