U Buholandi: Abanyarwanda bizihije umunsi w’intwari, banifurizanya umwaka mushya muhire (Amafoto)

Yanditswe na Karirima A. Ngarambe
Kuya 30 Mutarama 2018 saa 09:47
Yasuwe :
1 0

Abanyarwanda n’inshuti zabo batuye mu Buholandi, ku wa 27 Mutarama 2018, bahuriye mu gitaramo cyo kwifurizanya umwaka mushya no kwizihiza umunsi w’intwali.

Ambasaderi w’u Rwanda mu Buholandi, Karabaranga Jean Pierre, yashimiye Diaspora nyarwanda ubwitange igira mu bikorwa bitandukanye igihugu cyabo kiba gifite.

Yagize ati "Diaspora" yacu ikomeje gutera imbere, gukomera no gushyira hamwe, mwakoze ibikorwa byinshi bimwe byo gufasha abatishoboye mu Rwanda ndetse no gufasha bene wacu hirya no hino aho byashobokaga. Ariko na none by’umwihariko twafatanyije byinshi umwaka ushize, mwabaye hafi Ambasade mu bikorwa bitandukanye ; mu matora mwitabiriye muri benshi kandi mutora neza."

Uretse amatora, yabashimiye ko hari abitabiriye Rwanda Day mu Bubiligi; iminsi mikuru y’igihugu harimo umunsi mpuzamahanga w’abagore , Kwibuka 23 , Kwibohora23, Imurikagurisha ry’Ubukerarugendo “Vakantiebeurs mu 2017 n’iheruka 2018.

Uretse ibikorwa byabereye i Burayi, yashimiye ko hari abitabiriye Inama y’Umushyikirano mu Rwanda n’irahira rya Perezida wa Repubulika mu Rwanda.

Yanibukije ko ubu u Rwanda ruhagaze neza yaba mu bukungu, imibereho myiza y’abatutage, ibikorwa remezo nk’imihanda, ibitaro n’amashuri bikomeje gutera imbere, indege ya RwandAir isigaye igera i Burayi ndetse muri uyu mwaka ikazogoga n’ikirere cya Amerika no mu Bushinwa.

Yanababwiye n’uko abashoramari bakomeze kurugana, barimo abubaka ikibuga mpuzamahanga cya Bugesera, uruganda rw’imodoka VW rugiye kujya ruziteranyiriza mu Rwanda n’izindi, inganda ziri gushyigikira gahunda y’ibikorerwa imbere mu gihughu .

Ikiruta byose, Ambasaderi yabwiye ababa mu mahanga ko u Rwanda ruri ku isonga mu kugira umutekano Afurika, kurwanya ruswa no guteza imbere urubyiruko n’abagore.

Ikindi ni uko Perezida Kagame ari we ufite inshingano zo kuyobora Umuryango w’Afurika Yunze Ubumwe AU muri uyu mwaka, akaba yakoze neza amavugurura ya AU yatangiye gushyirwa mu bikorwa.

Yasabye Abanyarwanda baba mu Buholandi gukomeza kurwanira ishyaka iterambere ry’igihugu cyabo, no kurwanya abakomeza gushaka kubasubiza inyuma “tubereka ko abanyarwanda uyu munsi twunze ubumwe, amacakubiri yajyanye n’abari barayimitse, uyu munsi u Rwanda n’urw’Abanyarwanda bose, nta vangura ry’amoko, uturere, amadini cyangwa igitsina.”

Yanabaganirije ku ntwari z’u Rwanda, anababwira ko n’umuntu ukiriho ashobora kubona umudali w’ishimwe ku bikorwa by’indashyikirwa yagezeho.

Muri uwo mugoroba, Abanyarwanda baba mu Buholandi baboneyeho kurebera hamwe ijambo rya Perezida Paul Kagame yagejeje ku Banyarwanda abifuriza umwaka mushya muhire.

Ambasaderi w’u Rwanda mu Buholandi, Karabaranga Jean Pierre, yashimiye Diaspora nyarwanda ubwitange igira mu bikorwa bitandukanye by'igihugu cyabo
Abanyarwanda bizihije umunsi w’intwari, banifurizanya umwaka mushya muhire mu busabane
Aba muri Diaspora bahamagariwe kuzakomeza kwitabira ibikorwa bitandukanye u Rwanda rufite mu 2018 birimo n'amatora y'abadepite
Hakirwa abanyeshuri baturutse mu Rwanda bagiye kwiga mu Buholandi a
Amb. Karabaranga Jean Pierre atanga ikiganiro ku ntwari z’u Rwanda
Abanyarwanda baba mu Buholandi barebeye hamwe ijambo rya Perezida Paul Kagame yagejeje ku Banyarwanda abifuriza umwaka mushya muhire wa 2018

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza