Ambasaderi Karega yatanze impapuro zimwemerera guhagararira u Rwanda muri Botswana

Yanditswe na Olivier Muhirwa
Kuya 10 Nzeri 2012 saa 11:43
Yasuwe :
0 0

Kuri uyu wa Mbere tariki ya 10 Nzeri 2012, Ambasaderi Vincent Karega, ufite ikicaro muri Afurika y’Epfo, yashyikirije Perezida wa Botswana Lieutenant General Seretse Khama Ian Khama, ibaruwa imwemerera guhagararira u Rwanda muri iki gihugu.
Karega yavuze ko u Rwanda ruha agaciro umubano warwo na Botswana. Yatangaje ko u Rwanda runejejejwe no kugirana umubabano mu rwego rwo kuzamura imibereho y’ababituye no gufatanya ngo ibi bihugu byombi bigire icyerekezo cyiza muri Afurika.
Karega kandi (...)

Kuri uyu wa Mbere tariki ya 10 Nzeri 2012, Ambasaderi Vincent Karega, ufite ikicaro muri Afurika y’Epfo, yashyikirije Perezida wa Botswana Lieutenant General Seretse Khama Ian Khama, ibaruwa imwemerera guhagararira u Rwanda muri iki gihugu.

Karega yavuze ko u Rwanda ruha agaciro umubano warwo na Botswana. Yatangaje ko u Rwanda runejejejwe no kugirana umubabano mu rwego rwo kuzamura imibereho y’ababituye no gufatanya ngo ibi bihugu byombi bigire icyerekezo cyiza muri Afurika.

Karega kandi yagize icyo atangariza Perezida wa Botswana ku mutekano wo mu Biyaga Bigari cyane cyane mu Burasirazuba bwa Congo. Yamubwiye ko mu nama nyinshi zagiye zihuza abayobozi bo mu Karere k’Ibiyaga bigari, u Rwanda rwagaragaje ubushake mu gushaka amahoro arambye mu Burasirazuba bwa Congo.

Perezida wa Botswana yavuze ko n’ubundi hari hasanzwe umubano mwiza hagati y’u Rwanda n’igihugu cye. Yatangaje ko yishimiye umubano wa kivandimwe na Perezida Paul Kagame, kuko n’ubundi hari byinshi ibi bihugu bisanzwe bihuriyeho.

Yagize ati “Botswana n’u Rwanda ni ibihugu bimwe, byose ntibikora ku nyanja, twese ducungira ku miyoborere myiza ngo tuzamure ubukungu bw’ibihugu byacu”. Yanongeyeho ko ibi bihugu bisanzwe bikorana mu bijyanye n’ubuhinzi, ubworozi ndetse n’umutekano.

Abanyarwanda batuye mu Murwa Mukuru wa Boswana i Gaborone, bakiriye ambasaderi wabo ndetse bamwizeza gutanga uruhare rugaragara mu kigega Agaciro Development Fund.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza