U Bubiligi: Abanyamuryango ba FPR Inkotanyi bahuriye mu mwiherero wanatorewemo abayobozi bashya

Yanditswe na Karirima A. Ngarambe
Kuya 10 Kamena 2019 saa 01:14
Yasuwe :
0 0

Nk’uko bikunze kugenda henshi ku Isi abanyarwanda batuye mu mahanga cyangwa bahiga, barahura bakaganira ku muryango bahuriyemo wa FPR Inkotanyi.

Tariki ya 8 Kamena 2019 mu gikorwa ngarukamwaka kibahuza, Abanyarwanda baba mu Bubiligi bibumbiye mu muryango wa FPR Inkotanyi, bongeye bahurira mu mwiherero w’umunsi umwe wo kurebera hamwe ibikorwa byagezweho ku buryo bwimbitse.

Buri munyamuryango abona neza akanabaza ibibazo by’icyo ataba yumvise cyangwa se ashaka gutangamo inama, bakanarebera hamwe kandi n’imishinga iri imbere.

Ni umwiherero waranzwe n’ibiganiro bitandukanye birebana n’umuryango muri rusanjye, kwibukiranya amateka y’umuryango, kurebera hamwe uko ibikorwa byari byaremejwe byaba byaragezweho cyangwa se imbogamizi zaba zarabye, no kureba ibizakorwa herekanwa imishinga yashyirwamo imbaraga mu gukomeza gufatanya n’abandi bari mu Rwanda kubaka igihugu, kandi hagendewe ku ndangagaciro z’umuco nyarwanda.

Uyu mwiherero wabereye mu gace k’amazu aberamo ibiganiro bitandukanye ‘La Foresta’.

Wanitabiriwe n’Ambasaderi w’u Rwanda mu Bubiligi, Amb. Rugira Amandin, n’abandi banyamuryango baturutse mu nkengero z’u Bubiligi.

Uyu mwiherero wabayemo n’amatora, aho itsinda ry’ubuyobozi ryari rimaze imyaka ine riyobowe na Jean Marie Kananura, ryashimiwe cyane ibyo ryagezeho byagaragaye mu byakozwe.

Itsinda ryatorewe kuyobora manda itaha rigizwe na Chairman, Eric Ngabo, Visi Chairman ni Jacques Habimana, Umunyamabanga ni Ernest Gakuba, ushinzwe uburinganire n’ubwuzuzanye ni Claire Kamanzi, Umubitsi ni Marie-Neige Umurerwa, Ushinzwe urubyiruko ni Kennedy Bizimana.

Umuyobozi ucyuye igihe w’abanyamuryango ba FPR Inkotanyi batuye mu Bubiligi, Kananura Jean Marie, utongeye kwiyamamaza yagize ati “Ndashimira cyane abo twakoranye bose kuko imyaka ine nabigiyeho byinshi, nungutse abavandimwe gukorera uyu muryango ni ishema. Ndashimira abanyamuryango mwese uko mwambaye hafi kugera ku musozo wa manda yanjye”.

Yakomeje avuga ko azahora hafi agatanga inkunga y’ibitekerezo no gukorera hamwe kuko ari yo ntero ikaba n’inyikirizo muri FPR Inkotanyi.

Eric Ngabo watowe nka Perezida, yashimiye abo bakoranye bacyuye igihe, abizeza gukomeza inzira nziza batangiye.

“Kuba ku buyobozi sibyo byo gukorera gusa umuryango, aho umuntu ari hose aba ari inshingano ze, yaba twe cyangwa abacyuye igihe turi kumwe igihe cyose”.

Habayeho n’umwanya wo kuganira habazwa bimwe mu bibazo rusange kuri gahunda za Leta, byagiye bibonerwa ibisubizo. Igikorwa cyasojwe n’ubusabane.

Abanyamuryango batanga ibitekerezo
Abashinzwe umutungo, Mabenga Jean Pierre na Marie-Neige Umurerwa berekana imibare
Alphonse Bizimana wari ushinzwe urubyiruko yerekana ibyagezweho
Bwitare Eulade atanga ibiganiro
Dr Karekezi hagati ya Amb. Rugira Amandin na Cecile Uwizeye atanga ibitekerezo
Eric Ngabo watorewe kuba Perezida igihe yatangaga ibitekerezo
Igihe cyo gutanga ibitekerezo no kubaza cyishimiwe cyane
Jean Marie Kananura atanga ikiganiro
Jean Marie Kananura wayoboraga FPR Inkotanyi mu Bubiligi
Nadia Kabarira warushinzwe uburinganire n'ubwuzuzanye yerekana ibyo bagezeho
Urubyiruko ruvuga uko rubona ibintu
Uhereye ibumoso, Gilles Bazambanza atanga ikiganiro yerekana ubufatanye buri mu banyarwanda batuye mu Bubiligi n'abanyamuryango mu bikorwa bitandukanye
Igihe cyo kwerekana imishinga ku banyamuryango batuye mu mujyi wa Bruxelles
Abategarugori bagize uruhare mu gushyigikira ibikorwa n'imishinga biyemeza kubigiramwo uruhare
Abaperezida bombi Kananura n’umusimbuye Ngabo

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza