U Buholandi: Abanyarwanda bahuriye mu gushimira Imana itorwa rya Perezida Kagame (Amafoto)

Yanditswe na Karirima A. Ngarambe
Kuya 18 Nzeri 2017 saa 04:11
Yasuwe :
0 0

Itorero “New Hope Christian Church” rifatanyije n’Ambasade y’u Rwanda mu Buholandi bahuriye mu giterane cyo gushimira Imana ko amatora y’Umukuru w’igihugu yagenze neza, Perezida Paul Kagame akongera gutorerwa kuyobora u Rwanda.

Abanyarwanda muri Diaspora barimo n’abo mu Buholandi bitabiriye ku bwinshi amatora y’Umukuru w’Igihugu ku wa 3 Kanama 2017, umukandida wa FPR Inkotanyi, Paul Kagame, arayatsinda.

Muri ayo masengesho yo gushimira ko amatora yagenze yabaye ku gicamunsi cyo ku wa 17 Nzeri mu Mujyi wa Holterweg, Bishop John Manywa wayayoboye, yabwiye IGIHE ko nk’ abantu basenga Imana kandi bazi ingorane ziba mu bihugu byo mu karere k’ibiyaga bigari mu bihe by’amatora, bafite impamvu ikomeye yo gushimira ko u Rwanda ayarwo ari ubudasa, byongeye hakaba haratowe umuyobozi ubukwiye.

Yagize ati “Aha twakoze igikorwa cyo gushima Imana kuko ikiremwa muntu nta tandukaniro kigira iyo gikora ibyiza. Twemera ko imiyoborere ya Perezida Paul Kagame iyoborwa n’Imana yavuye ku mana. Ibyo Imana irimo bigira amahoro n’amajyambere n’umutekano.”

Yakomeje asobanura ko ari aho igitekerezo cyo gufatanya n’Ambasade y’u gutegura ayo masengesho, kandi ko basaba Perezida Kagame gukomeza aho ageze, “kuko aho u Rwanda ruvuye turahazi kandi tuzahora turirimba dusenga igihe cyose ngo bikomeze bigende neza.”

Ambasaderi w’u Rwanda mu Buholandi, Jean Pierre Karabaranga, yavuze ko uwo munsi wateguwe ukomeye mu buzima bw’Abanyarwanda baba mu Buholandi n’inshuti zabo, aho bafatanyije gushimira Imana kuba amatora yaragenze neza, bakihitiramo “umuyobozi nka Perezida wa Repubulika Paul Kagame”.

Yagize ati “Impamvu irumvikana, nk’abanyarwanda b’abakirisitu baba hano bo ni ibisanzwe gushimira Imana ko yabashoboje ibyo bifuzaga kubera urukundo bafitiye igihugu cyacu, u Rwanda.”

Yakomeje avuga ko nk’ Ambasade mu kazi kayo ko gukorana n’Abanyarwanda aho bose, byari ngombwa gufasha abo bakirisitu muri icyo gikorwa.

Yagize ati “By’umwihariko natwe turimwo abakirisitu tukaba twishimiye kuza kubana n’abandi tugashimira Imana koko, ko yaduhaye imigisha tukabasha gukora amatora neza uko bikwiye tukanihitiramo neza umuyobozi utubereye kandi tukanamuragiza Imana n’igihugu cyacu kugira ngo natwe twese dushobore kugera ku nshingano zo gukomeza guteza u Rwanda imbere, ku bifatanya rero bikaba byadushimishije.”

Uretse iri torero ryateguye ayo masengesho, Ambasaderi yashimangiye ko n’abandi bakwifuza gukora igikorwa nk’icyo cyo gusengera u Rwanda bakamenyesha Ambasade, yabashyigikira.

Bishop John Manywa wayoboye amasengesho
Bashimiye Imana ko amatora y’Umukuru w’igihugu yagenze neza, Perezida Paul Kagame akongera gutorerwa kuyobora u Rwanda
Ambasaderi w’u Rwanda mu Buholandi, Jean Pierre Karabaranga (Ibumoso) yitabiriye amasengesho yo gushimira Imana
Abanyarwanda mu Buholandi bashimiye Imana ko amatora yo mu Rwanda yagenze neza A
Ambasaderi w’u Rwanda mu Buholandi, Jean Pierre Karabaranga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza