Umwana w’umudipolomate w’u Rwanda mu Burusiya, yitabye Imana ahanutse muri ‘etage’

Yanditswe na IGIHE
Kuya 30 Gicurasi 2019 saa 05:41
Yasuwe :
0 0

Umwana w’Umujyanama wa Mbere muri Ambasade y’u Rwanda mu Burusiya, Francis Karagire, yitabye Imana ahanutse mu igorofa riri ahitwa Nakhimovskiy i Moscow muri ‘etage’ ya 21.

Iyi mpanuka yababaje abanyarwanda baba mu Burusiya, yabaye kuri uyu wa Gatatu tariki ya 29 Gicurasi ahagana saa saba z’amanywa ku isaha y’i Moscow.

Ambasaderi w’u Rwanda mu Burusiya, Dr. Mujawamariya Jeanne D’Arc, yihanganishije umuryango wagize ibyago, avuga ko iyi mpanuka yabaye umwana ari wenyine mu rugo.

Ati “Nibyo, umwana wacu yitabye Imana aturutse kuri etage ya 21.”

Yakomeje avuga ko uyu mwana yabanaga n’ababyeyi hamwe n’abavandimwe be ariko ko ubwo byabaga nta wundi bari kumwe mu rugo.

Uyu mwana witabye Imana yari mu kigero cy’imyaka 18, yigaga mu ishuri ryitwa International School of Tomorrow, aho yari ari gusoza amashuri yisumbuye.

Ntiharamenyekana impamvu zagejeje kuri iyi mpanuka aho byitezwe ko isuzuma rya muganga ariryo rizerekana ibyisumbuyeho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza