Abanyarwanda baba muri Côte d’Ivoire bizihije umunsi wo kwibohora

Yanditswe na Kanamugire Emmanuel
Kuya 11 Nyakanga 2016 saa 09:20
Yasuwe :
0 0

Abanyarwanda bagize Diaspora yo muri Côte d’Ivoire ku bufatanye n’inshuti zabo bahuriye mu birori byo kwizihiza imyaka 22 ishize u Rwanda rwibohoye.

Uyu muhango wabereye ahitwa Club House VALLON kuri uyu wa 9 Nyakanga witabirwa n’abantu b’ingeri nyinshi harimo abanyarwanda bakorera umuryango w’Abibumbye, abakorera Banki Nyafurika itsura amajyambere, imiryango mpuzamahanga inyuranye, abikorera ku giti cyabo ndetse n’abanyamahanga b’inshuti z’u Rwanda.

Ibi birori byaranzwe n’ibiganiro bitandukanye birimo amateka yaranze urugamba rwo kubohora igihugu zyatanzwe na Komiseri mukuru w’abapolisi b’u Rwanda bari mu butumwa bw’amahoro muri Côte d’Ivoire, UNOCI, CP Vianney Nshimiyimana.

Yatanze impanuro ku bakiri bato ababwira ko ubutwari bwranze ingabo zahoze ari iza FPR Inkotanyi bagomba kubukomeza kuko urugamba rwo kwibohora rugikomeje nubwo urw’amasasu rwarangiye.

Umuyobozi wa Diaspora ya Côte d’Ivoire, BOEDTS Uwimana Joséphine,na we yavuze ko “ubu urugamba turwana ari urwo kwibohora ubukene tugakorera igihugu tugiteza imbere kandi twihesha agaciro, ibibigomba gukorwa na buri munyarwanda wese.”

Komiseri mukuru w’abapolisi b’u Rwanda bari mu butumwa bw’amahoro muri Côte d’Ivoire, UNOCI, CP Vianney Nshimiyimana
Umuyobozi wa Diaspora ya Côte d’Ivoire, BOEDTS Uwimana Joséphine

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244