Abanyarwanda baba muri Leta Zunze Ubumwe z’Abarabu bishimiye intsinzi ya Perezida Kagame

Yanditswe na IGIHE
Kuya 25 Nzeri 2017 saa 12:45
Yasuwe :
0 0

Abanyarwanda baba muri Leta Zunze Ubumwe z’Abarabu (UAE), bahuriye mu birori byo kwishimira intsinzi ya Perezida wa Repubulika, Paul Kagame, mu matora yo kuwa 3 no kuwa 4 Kanama 2017.

Komisiyo y’amatora (NEC) yatangaje ko mu matora y’Umukuru w’Igihugu aheruka Perezida Kagame w’ishyaka FPR Inkotanyi ariwe watsinze bidasubirwaho ku majwi 98.79 %; umukandida wigenga Mpayimana Philippe agira 0.73% naho Frank Habineza w’ishyaka riharanira demokarasi no kurengera ibidukikije abona 0.48%.

Ku wa 22 Nzeri 2017, Abanyarwanda batuye muri Leta Zunze Ubumwe z’Abarabu bakoraniye i Dubai bishimira intsinzi ya Perezida Kagame.

Iyi gahunda yateguwe n’abayobozi b’abanyarwanda batuye muri UAE bahagarariwe na Florence Mukangenzi, ngo bishimire uruhare bagize mu kwitorera Umukuru w’Igihugu banagaragarizwe gahunda bazagenderaho mu mwaka wa 2017/2018.

Ibi birori byanitabiriwe n’abakozi ba ambasade y’u Rwanda i Abu Dhabi ndetse n’aba-Consulat y’u Rwanda muri Dubai. Ushinzwe ibikorwa muri Ambasade y’u Rwanda i Abu Dhabi, Mustapha Sibomana yakanguriye abanyarwanda gukora kandi bakagira n’uruhare mu iterambere ry’igihugu cyabo.

Habayeho kandi gutombora ibihembo binyuranye birimo itike ya RwandAir yo kugaruka i Kigali, kurara muri Marriot Hotel n’ibindi.

Bamwe mu bagize komite iyoboye diaspora ya UAE
Florence Mukangenzi, umuyobozi uhagarariye abanyarwanda baba muri UAE
Chargé d' Affaires muri ambasade y’u Rwanda i Abu Dhabi, Mustapha Sibomana
Abayobozi ba ambasade, aba consulat n'inshuti zabo
Abitabiriye iki gikorwa basusurukijwe n'itorero Uruyange
Eric Shakuru, umuririmbyi akaba n'umwe mu bagize Uruyange
Abagize Itorero Uruyange mu gitaramo cyo kwishimira intsinzi ya Perezida Kagame
Abitabiriye uyu muhango banahuriye mu busabane
Uwatomboyekuzishyurirwa kurara muri Marriot Hotel amajoro abiri(iburyo) hamwe n'umwe mu bayobozi ba diaspora muri UAE
Abari bashinzwe kuyobora ibikorwa byabereye mu muhango wo kwishimira intsinzi
Umwe yatomboye itike ya RwandAir yo kugaruka mu Rwanda
Abakinnyi b'ikipe y'umupira w'amaguru hamwe n'umukozi wa RwandAir

Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza