Kwamamaza

Nduhungirehe yatanze impapuro zimwemerera guhagararira u Rwanda muri Luxembourg

Yanditswe kuya 20-10-2016 saa 08:08' na Karirima A. Ngarambe


Ambasaderi Olivier Nduhungirehe yashyikirije Umwami wa Luxembourg, Henri, impapuro zimwemerera guhagararira u Rwanda muri icyo gihugu.

Ambasaderi Olivier Nduhungirehe asanzwe ahagarariye u Rwanda mu Bubiligi. Hiyongereye ho ko aruhagarariye muri Luxembourg nyuma yo gutanga impapuro zibimwemerera mu muhango wabaye kuri uyu wa Gatatu, tariki ya 19 Ukwakira 2016.

Ambasaderi Nduhungirehe yakiriwe n’Umwami Henri (Grand Duc de Luxembourg), amugezaho indamutso n’ubutumwa bwa Perezida Paul Kagame.

Mu kiganiro na IGIHE, Amb. Nduhungirehe, yatangaje ko nyuma yo gutanga impapuro zimuhesha uburenganzira bwo guhagararira u Rwanda muri iki gihugu, yagiranye ikiganiro n’umwami Henri.

Ati “Twaganiriye muri rusange ku bijyanye n’uko umutekano mu karere uhagaze, cyane cyane ku byerekeye u Burundi na Congo (RDC), uko u Rwanda rwakoranye na Luxembourg muri 2013 na 2014 mu kanama k’umutekana mu muryango w’Abibumbye, kuko twatorewe igihe kimwe kandi dutangirira imirimo rimwe. Twanagarutse k’uko twakomeza guteza imbere umubano w’ibihugu byacu byombi, cyane ko Luxembourg ari igihugu cyateye imbere ku bijyanye na serivisi nziza, gifite amabanki akomeye n’ibindi.”

“Natwe rero turashaka uko twakwigira ku burambe n’ubumenyi bafite muri izo serivisi cyane cyane izijyanye n’amabanki ngo turebe ko twatera imbere kurushaho muri urwo rwego.”

Ambasaderi Nduhungirehe ahagarariye u Rwanda mu Bububiligi, Luxembourg, Umuryango w’Ubumwe bw’Ibihugu by’u Burayi no muri ACP, (Groupe des Etats d’Afrique, des Caraïbe et du Pacifique).

Yavuze ko umubano w’u Rwanda na Luxembourg umaze igihe, kuko na mushiki w’Umwami Henri wa Lexembourg, witwa Marie Atsrid yabaye mu Rwanda i Rwamagana kuva mu 1974 kugeza 1975 akaba yaranafashije ko hubakwa ishuri ry’Abaforomo.

Amafoto

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved