Ambasade y’u Rwanda yakanguriye Abahinde gushora imari mu Rwanda

Yanditswe na Philbert Girinema
Kuya 3 Ukuboza 2016 saa 07:36
Yasuwe : XX
0

Mu imurikagurisha ryo ku nshuro ya cumi ryiswe Vibrant Vadodara ryabereye mu Buhinde, muri Leta ya Gujurat ari na ho Minisitiri w’Intebe w’u Buhinde, Narendra Modi akomoka, Ambasade y’u Rwanda yahamagariye abashoramari kugana u Rwanda nk’igihugu cyiza kandi cyorohereza buri wese ushaka kugishoramo imari.

Mu kiganiro yagiranye n’Abacuruzi b’Abahinde barenga 300, Ambasaderi Ernest Rwamucyo, uhagarariye inyungu z’u Rwanda mu Buhinde, yavuze ko u Rwanda ruhishiye byinshi Abahinde bateganya gushora imari yabo mu Rwanda harimo kuborohereza gutangira gukorera mu Rwanda, gukurirwaho imwe ku misoro ku bintu bazana mu Rwanda, ndetse no kuborohereza gukoresha inyungu zabo mu gihugu bakomokamo uko bifuje.

Iri murikagurisha ryitabiriwe n’abacuruzi n’inganda zirenga 500 ndetse n’ibindi bihugu birimo Amerika,Turikiya, Indonesia, Tanzania, Canada na Australia.

Ambasaderi Rwamucyo yagaragaje ahakenewe gushorwamo imari mu Rwanda agira ati “ Dufite inzego nyinshi zo gushorwamo imari nk’urw’ibikorwaremezo, ingufu, ubukerarugendo, inganda, ndetse no mu bwubatsi bw’inzu zihenze n’izicirirtse.”

Muri iri murikagurisha ribera Mujyi wa Vadodara umwe mu mijyi ikomeye muri leta ya Gujarat mu Buhinde, Ambasade y’u Rwanda yatanze udutabo ndetse n’impapuro zikubiyemo ibyiza by’u Rwanda, uko u Rwanda ruhagaze mu ishoramari.

Ambasaderi Ernest Rwamucyo yakanguriye Abahinde gushora imari yabo mu nzego zitandukanye mu Rwanda
Ambasaderi w'u Rwanda mu Buhinde, Ernest Rwamucyo mu imurikagurisha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza