Dr Harebamungu yatanze impapuro zimwemerera guhagararira u Rwanda muri Mali

Yanditswe na Ishimwe Israel
Kuya 14 Nzeri 2016 saa 01:12
Yasuwe :
0 0

Dr. Mathias Harebamungu yashyikirije Perezida wa Mali, Ibrahim Boubacar Keita inyandiko zimuhesha uburenganzira bwo guhagarira u Rwanda muri iki gihugu mu muhango wabaye kuwa Gatanu w’icyumweru gishize, tariki 9 Nzeri 2016.

Dr. Mathias Harebamungu niwe uhagarariye u Rwanda muri Sénégal, bityo akaba yahawe ububasha bwo guhagararira Ambasade y’u Rwanda muri Mali izaba ifite icyicaro i Dakar.

Ubutumwa yashyikirije Perezida wa Mali, Ibrahim Boubacar Keita, bwagaragaje ko iki gikorwa gishimangira imikoranire ihamye ndetse n’umubano ntayegayezwa hagati yibihugu byombi.

Ambasaderi Dr.Harebamungu yashimiye Perezida Paul Kagame icyizere yamugiriye cyo kumuha inshingano zo kumuhagararira muri Mali.

Nyuma y’umuhango wo gushyikiriza Perezida wa Mali impapuro zimwemerera guhagararira u Rwanda muri iki gihugu,hakurikiyeho ubusabane bwahuje Ambasaderi Harebamungu n’Umuryango w’Abanyarwanda batuye muri Mali.

Yashimiye cyane Umuryango w’Abanyarwanda baba muri Mali kubera uburyo bamwakiriye ashimangira ko urukundo bagira, ubwitange n’ishema badahwema guhesha u Rwanda bigaragarira buri wese.

Yagize ati “Ubwitange bwanyu bw’indashyikirwa mu bikorwa binyuranye byafashije gutsura umubano hagati y’ibihugu byacu byombi bikwiye kubera n’abandi urugero. Mwakoze mwikorera, mugaragaza ubupfura nyabwo kandi buri wese arabibona.”

Yakomeje avuga ko Ambasade itazahwema gushyigikira Umuryango w’Abanyarwanda batuye muri Mali, abasaba guharanira ishema n’indangagaciro nyazo z’Umunyarwanda.

Ati “ Tugomba gukora ibiduhesha agaciro kandi tukubakira kuri Ndi Umunyarwanda, twibuka ko nta wundi ugomba kugenera Abanyarwanda aho bagomba kugera cyangwa uko bagomba kubabo.”

Perezida w’agateganyo w’Umuryango w’Abanyarwanda baba muri Mali, Dr. John Nzungize yifurije ikaze Dr. Mathias Harebamungu wahawe uburenganzira bwo guhagarira u Rwanda muri iki gihugu.

Dr Nzungize yashimiye Perezida wa Mali, Ibrahim Boubacar Keita, kuba yaremeye kugirana umubano uhamye n’u Rwanda mu rwego rwa diporomasi ndetse agashimangira ko kugira Ambasaderi bibongerera imbaraga mu mikorere yabo.

Ati “Ubu imbaraga zacu mu kumenyekanisha u Rwanda zigiye kwikuba kubera gufatanya na Ambasade yacu muri iki gihugu kiducumbikiye kandi kitugaragariza n’urukundo rwinshi.”

Nyuma y’uyu muhango, Ambasaderi w’u Rwanda muri Mali, yasabanye n’Abanyarwanda baba muri iki gihugu, bwabereye muri Hotel Radisson y’i Bamako.

Umuryango w’Abanyarwanda baba muri Mali washimiye Dr. Mathias Harebamungu umugenera impano nk’ishimwe ry’umuntu wagaragaje ubutwari mu kazi ashinzwe.

Uyu muhango kandi witabiriwe n’ikipe y’Igihugu y’abatarengeje imyaka 18 mu mukino w’amaboko (Handball) yari yitabiriye igikombe cya Afurika cyaberaga i Bamako muri Mali ku nshuro ya 12.

Ambasaderi w'u Rwanda muri Mali na Sénégal, Dr. Mathias Harebamungu
Byari ibyishimo ku banyarwanda baba muri Mali
Ambasaderi Dr. Mathias Harebamungu ahabwa impano
Abakinnyi b’ikipe y’Igihugu y’abatarengeje imyaka 18 muri Handball bitabiriye uyu muhango
Abitabiriye uyu muhango mu ifoto rusange

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244