U Bubiligi: Abakinnyi bakanyujijeho hambere bahuriye muri Rayon Sports Day

Yanditswe na Ishimwe Israel
Kuya 14 Ugushyingo 2016 saa 08:30
Yasuwe :
0 0

Abakinnyi babaye ibirangirire muri ruhago Nyarwanda bahuriye n’abakunzi babo mu gikorwa cyiswe ’Rayon Sports Day’ gitegurwa n’Ishyirahamwe ry’abafana ba Rayon Sports baba i Burayi, Rayon Sports Europe.

Iki gikorwa cyabaye ku wa Gatandatu, tariki ya 12 Ugushyingo cyabanjirijwe n’umukino wahuje abahoze bakinira Rayon Sports na Kiyovu Sports wabereye mu Mujyi wa Bruxelles mu Bubiligi, amakipe yombi anganya ibitego bibiri kuri bibiri.

Iki gikorwa kibaye ku nshuro ya kabiri kuri stade iherereye ahitwa Rue des Chalets 1 muri 1082-Bruxelles /Berchem Saint Agathe.

Nkuko byagaragaye uyu munsi witabiriwe cyane n’abakunzi, inshuti ku mpande z’amakipe yombi, abato n’abakuru.

Mu gutangiza iki gikorwa Ambasaderi w’u Rwanda mu Bubiligi, Nduhungirehe Olivier yambitse imidari y’ishimwe abakinnyi bose bitabiriye uyu muhango ndetse n’abandi bagize uruhare mu itegurwa ry’uyu mukino.

Mu kiganiro IGIHE yagiranye na Amb. Nduhungirehe yagize ati “ Iki ni igikorwa cyiza cyane kuko gihuza abanyarwanda muri rusange, bahuriye ku rukundo rw’amakipe yabo yabahuje kuva kera, kuko Rayon na Kiyovu ni amwe mu makipe yabayeho afite imyaka igera kuri 60 niba ntibeshye, bikaba umwanya wo kwibukiranya amteka y’ayo makipe no gusabana.”

Umuhango kandi witabiriwe n’ubuyobozi bw’ikipe ya Rayon Sports bwaturutse mu Rwanda buyobowe na Perezida Gacinya Chance Denys, Martin Rutagambwa Perezida wungirije, Muhirwa Prosper, Perezida wungirije w’umuryango wa Rayon Sports na Rukundo Patrick.

Ibi birori byagaragayemo bamwe mu bakinnyi babaye ibyamamare muri aya makipe yombi barimo Habimana Chrysostome na Murangwa Eugène bakiniye Rayon Sports, Muvara Valens, Kamanzi Michel ba Kiyovu Sports ndetse na Ngoga Denis wa Mukura VS n’abandi.

Nyuma y’umukino habaye ubusabane mbere yo kwinjira mu gikorwa cyakurikiyeho kiswe Rayon Sport Gala Night /Gikundiro Funds

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza