Ku munsi wo kwibohora, Singapore yashimangiye ko u Rwanda ari intangarugero

Yanditswe na Ferdinand Maniraguha
Kuya 11 Nyakanga 2016 saa 04:01
Yasuwe :
0 0

Ubwo Abanyarwanda baba muri Singapore bizihizaga umunsi wo Kwibohora, u Rwanda rwashimiwe iterambere rwagezeho nyuma ya Jenoside yakorewe Abatutsi, kandi ko bitanga icyizere kuri ejo hazaza harwo.

Ibirori byo kwizihiza umunsi wo Kwibohora byabaye kuwa Gatanu tariki ya 8 Nyakanga 2016 muri Singapore.

Byari byitabiriwe n’abanyacyubahiro barimo Minisitiri mu biro bya Ministiri w’’Intebe ushinzwe abakozi ba Leta n’abikorera ku giti cyabo muri Singapore, Sam Tan Chin Siong, Depite Christopher De Souza na Depite Cherryl Chan wei Ling.

U Rwanda ni igihugu cyavuye kure muri Jenoside, Singapore nayo ni igihugu cyavuye kure nubwo cyo kitahuye na Jenoside, nyamara kuri ubu byose ni ibihugu bitangwaho urugero mu kwiteza imbere, ndetse hari abajya bavuga ko u Rwanda ari Singapore ya Afurika.

Ministiri Sam Tan Chin Siong yashimangiye ibimaze gukorwa mu Rwanda avuga ko bitanga icyizere kuri ejo hazaza h’abanyarwanda.

Yavuze ko bishimishije kuba u Rwanda rumaze kuba igihugu gitangwaho urugero rwiza mu nzego zinyuranye haba muri Afurika ndetse no ku yindi migabane.

Ambasaderi w’u Rwanda muri Singapore Guillaume Kavaruganda yabwiye abari aho biganjemo abadipolomate, abacuruzi, inshuti z’u Rwanda ndetse n’abanyarwanda, ko uruhare rw’ingabo z’u Rwanda n’ubuyobozi bwazo mu guhagarika Jenoside yakorewe Abatutsi, ibimaze kugerwaho mu nzego zinyuranye nyuma y’imyaka 22, ndetse n’umubano ushimishije hagati y’u Rwanda na Singapore.

Ibyo birori byitabiriwe n’abantu basaga 200 , basusurutswaga n’ababyinnyi b’abanyarwandakazi.

Abasaga 200 bari bitabiriye ibirori byao kwibohora
Abanyarwandakazi basusurutsa abari bitabiriye ibirori

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244