Ntidutekereza cyane gusa, tunakora cyane-Depite Mukabalisa

Yanditswe na Uwishyaka Jean Louis
Kuya 15 Ugushyingo 2016 saa 12:33
Yasuwe :
0 0

Itsinda ry’Abadepite riyobowe na Perezida w’Umutwe w’Abadepite mu Nteko Ishinga Amategeko y’u Rwanda, Donatille Mukabalisa, ryagiriye uruzinduko muri Suède, aho ryaganiriye n’abanyarwanda baba muri iki gihugu ku buryo bagira uruhare mu iterambere ry’igihugu cyabo.

Uru ruzinduko rukozwe ku butumire bwa bagenzi babo bo mu Nteko Ishinga Amategeko muri iki gihugu. Runakurikiye urw’Abadepite bo muri Suède bagize komisiyo ebyiri n’abacuruzi bahagarariye abandi bagiye bagirira mu Rwanda mu bihe bitandukanye kuva uyu mwaka watangira.

Muri urwo ruzinduko, abo badepite barimo Juliana Kantengwa, Veneranda Nyirahirwa na Jean Marie Vianney Gatabazi, ku Cyumweru babonanye n’Abanyarwanda baba i Stockholm, umurwa mukuru w’iki gihugu.

Mu biganiro bagiranye, Depite Mukabalisa yabasabye gutekereza byagutse ndetse no gukora cyane, biganisha ku kwihutisha iterambere ry’u Rwanda nk’uko The New Times ibitangaza.

Ati "U Rwanda rwashyizeho ingamba zikomeye kuri buri kimwe kandi zirakomeza kwiyongera umunsi ku munsi. Ntabwo dutekereza cyane gusa, tunakora cyane. Hari ibimenyetso bibigaragaza aho ari ho hose mu Rwanda.”

Ambasaderi Christine Nkulikiyinka, uhagarariye u Rwanda mu bihugu biherereye mu gace k’Amajyaruguru y’u Burayi (Nordic countries), yashimiye aba badepite bafashe umwanya wo gusura abanyarwanda baba muri iki gihugu.

Yakomeje avuga ko uru ruzinduko rudasobanura gusa umubano mwiza ibihugu byombi bifitanye, ahubwo ko runasobanura agaciro u Rwanda ruha abaturage barwo baba hanze.

Biteganijwe ko aba badepite b’u Rwanda bazabonana na bagenzi babo muri iki gihugu, Perezida w’Inteko Ishinga Amategeko umutwe w’Abadepite, Urban Ahlin na Komisiyo zinyuranye z’iyi Nteko.

Aba badepite kandi bazahura n’abayobozi bakuru muri Guverinoma y’iki gihugu, ndetse bazatanga ikiganiro ku banyeshuri bo mu ishami ry’amategeko muri Kaminuza ya Uppsala.

Depite Mukabalisa yasabye abanyarwanda bo muri Suède gushyigikira iterambere u Rwanda rugenda rugeraho
Bamwe mu banyarwanda baba muri iki gihugu batanga ibitekerezo mu kiganiro cyabahuje n'abadepite bo mu Rwanda
Depite Gatabazi umwe mu bagize itsinda ry'Abadepite b'abanyarwanda bagiye muri Suède aganira n'umwe mu batuye icyo gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244