Tanzania: Abanyarwanda batuye i Dar es Salaam bahuriye mu muganda n’imikino(Amafoto)

Yanditswe na IGIHE
Kuya 26 Nzeri 2017 saa 12:27
Yasuwe :
0 0

Abanyarwanda batuye i Dar es Salaam bahuriye mu bikorwa by’umuganda byabaye ku cyumweru 24 Nzeri 2017, wakurikiwe n’imikino itandukanye irimo imyitozo ngororangingo n’umupira w’amaguru.

Ambasaderi w’U Rwanda muri Tanzania, Eugene Kayihura witabiriye uyu muganda yashimiye Abanyarwanda batuye I Dar es Salaam ko bitabira gahunda z’igihugu zose, by’umwihariko akaba yarabashimiye uburyo bitabiriye amatora ya Prezida wa Repubulika yabaye muri Kanama uyu mwaka kandi bagatora neza, hakaba hateganyijwe ibirori byo kwishimira intsinzi mu Ugushyingo.

Ambasaderi yabibukije kandi ko kuri Amabasade y’u Rwanda ari iwabo, ko ikipe yose ihari yiteguye kubakira no gusubiza ibibazo byabo mu buryo bwubahiriza amategeko y’igihugu cya Tanzania.

Umuyobozi w’umuryango w’abanyarwanda batuye muri Tanzania, Emile Nyilidandi, yashimiye abatuye Dar es Salaam ko bitabiriye umuganda, imikino itandukanye byose byashojwe n’ubusabane.

Umuganda wibanze ku bikorwa byo gukora isuku
Gusimbuka urukiramende ni umwe mu mikino wahuje Abanyarwanda baba buri i Dar es salaam
Nyuma y'umuganda abawitabiriye bahuriye mu mikino irimo umupira w'amaguru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza